Imarsiornermik inuutissarsiuuteqartut aamma Qeqqata Kommuniani kommunalbestyrelsip kissaateqarnerat aallaavigalugu, Sisimiut qitiusumik talittarfeqarfiata nutarnernissaannut 2023-p naalerani siunnersuummik saqqummiussaqarpoq. Pilersaarut taanna 2012-miit 2024-mut kommunip pilersaarusiorfigineqarneranut ilaasussatut naatsorsuutigineqarsimagaluarpoq 2024-llu aallartinnerani tusarniutigineqarluni, taannali maanna 2024-miit 2048-mut kommunip pilersaarusiorfigineqarneranut ilanngunneqarpoq, pilersaarusiornerlu aasaq manna aallartinneqassasoq naatsorsuutigineqarpoq.
Taamaalilluni Sisimiuni kommunip talittarfiata tamakkiisumik atorluarneqarsinnaalernissaa illoqarfiullu immikkoortortaata Paaraarsuup nunniorneqarnissaannut katillugit 25 millioner kronit aningaasaliissutigineqassasut, maaji naalersoq Qeqatta Kommuniani kommunalbestyrelsi aaliangerpoq. Nalunnguarfiup kujataatungaani illuliorfissatut pilersaarutaasimagaluartumut aningaasaliissutaasunik nuussinikkut Sisimiuni talittarfeqarnikkut inerisaanissaq pisariaqartinneqarluinnalersimasorlu piviusunngorsinnaanngortoq, Qeqqata Kommuniani borgmesteri, Malik Berthelsen, Siumut, oqarpoq.
Imarsiornermik inuutissarsiuuteqartut aamma Qeqqata Kommuniani kommunalbestyrelsip kissaateqarnerat aallaavigalugu, Sisimiut qitiusumik talittarfeqarfiata nutarnernissaannut 2023-p naalerani siunnersuummik saqqummiussaqarpoq. Pilersaarut taanna 2012-miit 2024-mut kommunip pilersaarusiorfigineqarneranut ilaasussatut naatsorsuutigineqarsimagaluarpoq 2024-llu aallartinnerani tusarniutigineqarluni, taannali maanna 2024-miit 2048-mut kommunip pilersaarusiorfigineqarneranut ilanngunneqarpoq, pilersaarusiornerlu aasaq manna aallartinneqassasoq naatsorsuutigineqarpoq.
Taamaalilluni Sisimiuni kommunip talittarfiata tamakkiisumik atorluarneqarsinnaalernissaa illoqarfiullu immikkoortortaata Paaraarsuup nunniorneqarnissaannut katillugit 25 millioner kronit aningaasaliissutigineqassasut, maaji naalersoq Qeqatta Kommuniani kommunalbestyrelsi aaliangerpoq. Nalunnguarfiup kujataatungaani illuliorfissatut pilersaarutaasimagaluartumut aningaasaliissutaasunik nuussinikkut Sisimiuni talittarfeqarnikkut inerisaanissaq pisariaqartinneqarluinnalersimasorlu piviusunngorsinnaanngortoq, Qeqqata Kommuniani borgmesteri, Malik Berthelsen, Siumut, oqarpoq.
Misissuinerit
2012-mi Sisimiuni kommuni talittarfiliorpoq, tamannalu kommunip 58 millioner koruuninik aningaasaliiffigisimavaa, maannali talittarfik annertuumik inerisaaffigineqartariaqalersimasoq misissuinerit takutippaat. Sisimiuni suliffeqarfik SIRIUS Greenland ApS, talittarfimmik misissuisuuvoq, tassanilu mallinut assiaqutit manngertornaveersaatissanik, zinkanoderinik, savimminermut saaliornaveeqqutaasut taarserneqartariaqalersimasut paasineqarpoq.
Talittarfik avammut 20 meterit tikillugit cementimik qalligaavoq, talittarfiullu qaava, soorlu containerinik allanillu oqimaatsunik ilitsiviusoq 7.000 kvadratemteri aamma talittarfimmut appakaaffik biilinillu inissiisarfik 1.400 kvadratmeteriusoq ujaraaqqanik taamaallaat qalligaammata, tassuunalu containerinik nuutsissutit motorillit oqimaatsut ingerlasinnaanngimmata, taassuma cementimik qallerneqarnissaa inuussutissarsiortut ujartorpaat. Aqqusineq talittarfimmut appakaaffik ajornaquteqanngitsumik asfaltilersorneqarsinnaasoq nalilerneqarpoq.
Kiisalu allaffimmik 525 kvadratmeterimik, ilaatigut aalisarnermi nakkutilliinermut, usinik tigusinermut nalunaarsuinermullu atorneqartussamik sanaartorfiusinnaasumik kommunip talittarfiani pisariaqartitsisoqartitsisoqartoq Kommunip pilersaarusiorfigineqarneranut tapiliussamut siunnersuummi naqissuserneqarpoq.
Umiarsualivimmi aalisartut piniartunullu ilivitsigisartagaata aalisakkanik tunisassiorfimmut sanaartorfissannngortinneqarat pissutigalugu 2015-imi atorunnaarsinneqarpoq, tamatumalu kingunerisaanik pisattanut ilioraaviusinnaasumik, sannavimmik, toqqorsivimmillu nutaamik pilersitsisoqarnissaa kissaatigineqalerpoq. Illoqarfiullu immikkoortortaani kangerliumaneq Paaraarsuuk kittaarlugu nunniorneratigut siullermik 2.200 kvadratmeterisut annertutigisumik ilitsivissamik sannavimmillu sanaartortoqarnissaa siunniunneqarpoq.
Nutarterinissaq pisariaqartoq
Kilisaatit takornariartaassuit umiarsuillu allat ukiumut amerlasuut Sisimiunut tikittarput, aammali Sisimiuni eqqakkanut ikuallaavissuup maannakkut sanaartorneqartup atulernerata kingorna, ESANI’p eqqagassanut umiarsuaa qaammammut marloriarluni eqqakkanik usingiartalertussaaq, umiarsualivimmillu atuisut naammaginiartumik atugassaqartinneqassappata umiarsualiviup tamakkiisumik cementimik qallersorneqarnissaa pisariaqarluinnalersimasoq, Malik Berthelsen oqarpoq.
- Nunagissaanermut aningaasaliissutissaraluit talittarfiup inerisarneqarnissaanut nuuppagut, isumaqaratta umiarsualiviit inuussutissarsiornermi pingaarutilimmik inissisimanerat pissutigalugu aningaasat taamaasiornikkut sukkanerusumik kommunitsinni kaaviaartinneqassasut.
- Aammali talittarfimmik nutarterineq suliffinnik nutaanik pilersitsiffiussaasoq, tamannalu kommunip aningaasaqarneranut aamma iluaqutaassaaq, borgmesteri oqarpoq.
Umiarsualivimmi tattorliunneq peqqutigalugu piniartunut aalisartunullu ilitsiviusunnaasut amigalernikuupput, aammali sissami inuussutissarsiornermik ingerlatserusukkaluartunut inissaqartitsisoqanngimmat, Paaraarsummi nunniornissaq 2,5 millioner kroninik aningaasaliiffigineqarpoq.
Taassuma saniatigut umiatsiaaqqanut talittarfiit pitsanngorsaaviginiarlugit Kangerluarsunnguami puttasunik aqqaasoqassasoq, Malik Berthelsen oqarpoq.
