World of Greenlandip
isumassarsiagut tilligarpai suleqatigiumanatalu. Laila Sandgreen, uinilu
suliffeqarfimmik Explore Ilulissat ApS-mik ukiut pingasut matuma siorna
aallarniisoq oqarpoq.
Uia
aalisartitseqatigiiffimmi Isortami aalisarpoq – taakkulu 2021-p aallartinnerani
takornarianik nalunaaquttap akunnerini arfineq pingasuni qimussimik
kangerluliaassisarnertik iluatsilluartumik ingerlappaat, tassanilu takornariat
ningittakkanik qaleralinniaqataanermik misiliinissamik
periarfissaqartarput.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
World of Greenlandip
isumassarsiagut tilligarpai suleqatigiumanatalu. Laila Sandgreen, uinilu
suliffeqarfimmik Explore Ilulissat ApS-mik ukiut pingasut matuma siorna
aallarniisoq oqarpoq.
Uia
aalisartitseqatigiiffimmi Isortami aalisarpoq – taakkulu 2021-p aallartinnerani
takornarianik nalunaaquttap akunnerini arfineq pingasuni qimussimik
kangerluliaassisarnertik iluatsilluartumik ingerlappaat, tassanilu takornariat
ningittakkanik qaleralinniaqataanermik misiliinissamik
periarfissaqartarput.
Kangerlummut
angallassineq
- Kingorna
takornariat snescooterinik sikumukaallugit angallattarnissaat
isumassarsiaraarput, sikumullu pigaangamik qimussimik ingerlaqqittarput.
Tassunga atatillugu snescooterinik arfinilinnik pisivugut, sivitsunngitsorlu
World of Greenland snescooterinik arfineq pingasunik pisivoq, takornariallu
sikup sinaanukaattalerlugit, tassanilu aalisartunik assiliisaqattaartarput,
aalisarnermulli peqataasarnatik. Tamanna naapertuilluarnerunngitsutut isigaara
– tamannami takornarianut aamma pitsaanngilaq, taakkumi uatsinnit
angallanneqartarnertik nuannaraat, Laila Sandgreen oqarpoq.
- Aallartikkatta
Hotel Arcticimi takoqqusaarutinik ilisivugut, namminerli snescooteritaarnermik
kingorna taamaaliorsinnaajunnaarpugut. Taakkumi uagut angallassinivut
tuniniarnagit, namminneq angallassinitik tuniniarumaneruaat.
- Tamanna
uggoreqaarput, suleqatiginnikkusuppugummi. Maani aalisartut allat
suleqatigilluarpavut – suleqatigiinnikkullu isertitsisoqarsinnaavoq – aamma
aalisartuni. Aalisarneq tamatigut qularnaatsuuneq ajorpoq – taamaammat
saniatigut isertitaqalaartarnissaq aalisartut iluarilluartaraat qularnanngilaq.
Arfernik
takuniaatitsineq
Explorer Ilulissat
ApS aamma kangerlummut angallassillunilu arfernik takuniaatitsisalerpoq.
- Targa 25 aqqaneq
marlunnut inissalik pigaarput. Angallassisarnivut iluatsilluarput, Disko Lineli
angallataatiminni 36-nut inissaqartitsinerani unammillerniarneq
ajornakusoorpoq. Disko Line Namminersorlutik Oqartussanit tapiissutisisarpoq –
World of Greenlandillu Disko Linellu nunatta karsia atorlugu unammigaatigut
misigisimavugut. Taamaaliornerlu eqqunngitsuliornerusoq isumaqarpugut.
Suleqatigiittariaqartut
- World of Greenland
uatsinnut unammillertaanani suleqateqartariaqarpoq, Laila Sandgreen
anguniagaqarluartoq suliffeqarfimmini, aamma Ilulissat qeqqani Cafe Iluliamik
ingerlatsisoq Ilulissallu mittarfianni Cafemik ingerlatsisoq isumaqarpoq.
World of Greenlandip
pisortaata Morten Nielsenip suliffeqarfiup Laila Sandgreenimik piffimmilu
ingerlatsisunik allanik suleqateqarumannginnera eqqunnginnerarpaa.
- Piffimmi
aallarnisaasorpassuit suleqatigaavut. Tamanna angallassinernik ingerlatatta
tamarmik suliariumannittussarsiuullugit saqqummiunneratigut pisarpoq –
taamaaliornitsinnilu kikkulluunniit neqeroorsinnaapput. Aamma Laila Sandgreen
Explore Ilulissat ApS-ilu. Suleqat pitsaanerpaaq akikinnerpaarlu tamatigut
toqqartarpavut. Maannakkut suliffeqarfiit mikisut qulit sinnerlugit
amerlassusillit, tamarmik aallarnisaasunit piffimmeersunit ingerlanneqartut
suleqatigaavut. (faktaboksimi allattukkat takukkit).
World of Greenland
Explore Iluliassat assiliniarlugu snescooterinik pisisimanerarneqarnera Morten
Nielsenip eqqunngitsuunerarpaa.
- Snescooterit
siulliit 2019-mili pisiaraavut, Morten Nielsen oqarpoq.
