Andachan festivalini tusarnaartitsinissaminut piareersartoq

Andachan Kalaallit Nunaanni elektronikkimik nipilersuusiortartuni malunnaateqarnerpaasutut Sisimiuni poorskikkunni Arctic Sounds festivalernissami tusarnaartitsisussaqqissuuvoq. 

Appisimaaqateqarlunilumi arfininngornermiit sapaammut unnuaani tusarnaartitsissalluni, Andachan oqaluttuarpoq. Andachan Anda Otto Schmidtimik ateqarpoq Sisimiormiuullunilu. 

- Assigiinngitsunik nipilersortaaseqarpugut, tassaasut elektronikkimik poppimillu nipilersortaatsit, taakkualu tapertariisillugit tassa nipilersuusiuleruttorpugut. Arctic Soundsimi tusarnaartitsiartortigata, Nuummi Katuap paarlersuani tallimanngorpat aamma tusarnaartitseqataaqqaassaagut, Andachan oqarpoq. 

Andachanip Ivaanallu nipilersoriaasiat “killitsisimanerup uummaarissuunerullu naapiffianiittutut”, Arctic Soundsip taavai.

Isertuukkaa 

Andachan Danmarkimukarnissaminut aamma piareersarpoq. Aasarumi Roskilde Festivalertoqarnerani juunip ulluisa 30-anni tusarnaartitserngaassasoq, Roskilde Festivalimik aaqqissuisut uppernarsaqqammerpaat.

AAMMA ATUARUK

Elektroniskimik nipilersortartoq nersornaaserneqartussatut innersuunneqartoq

– Qilanaaqaanga. Novembarimi ilisimatimmannga kikkunnut tamanut oqaluttuarerusukkaluarpara. Roskilde Festivalimilli aaqqissuisut namminneq nalunaaruteqarnissaasa tungaannut isertuusseqquaannga.

Aaqqissuussami taamaattumi tusarnaartitsineq allaassuteqassangatippiuk?

– Aap, aaqqissuussammi nunatsinni aaqqissuunneqartartuninngarnit annerungaatsiarnera soorunami allaassutigisussaassavaa. Appisimaaqateqarluni tusarnaartitsininni assitalersuutigilersaakkakka qullilersuutigilersaakkakkalu maanna piareersaleruttorpakka.

Nipilersuusiai nunani tamalaani aamma tusarnaagassaqqissuusut

Kalaallit Nunaat nunani tamalaani qaammatini kingullerni ukkatarineqangaatsiarpoq. Tamanna ilinnut inuttut nipilersortartuuninnullu sunniuteqarpa? 

– Allat tamarmisulli sunnertisimaassutigaara. Nipilersortartuuninnulli Kalaallit Nunaat nunani tamalaani qaammatini kingullerni ukkatarineqangaatsiarpoq. Tamanna ilinnut inuttut nipilersortartuuninnullu sunniuteqarpa? malunniuteqangaanngilaq, Andachan oqarpoq.

– Oqaatsivut nipilersuusianni atugaraakka, kalaaliugamami. Nipilersuusiakkali nunani tamalaani aamma tusarnaagassaqqissuunasoraakka, taanna aamma oqarpoq.

Andachan elektronikkimik nipilersuusiaminik YouTubemi saqqummersinnikuusaminik tusarnaartartunut saqqummiussassatsinnik toqqaaqqugatsigu ‘Daydream’ toqqarpaa, taannalu ataaniittoq tuuinnarlugu tusarnaarsinnaavat.

– Taanna nipilersuusiannik tusagaqarsimanngitsunut aallarniutissaqqippoq. Taanna nipilersuusiama siulliit ilagaat, kingusiinnaakkulli aatsaat saqqummersillugu. Musikvideoliarissaneripput tamatuma kingorna aperineqarama taava taamaaliorpugut, Andachan oqarpoq.