Malik Lange Samuelsen, aalisartoq piniartorlu
Qasigiannguaneersoq, sapaatip-akunnerani kingullermi kapisilinniarluni
tupaallappoq.
- Qasigiannguaniippunga, kujataani Akulliit
nunaqarfikup kujataani eqalussuaq qaqutigoortoq kapisilinnut qassutinut
napissimagami, Malik Lange Samuelsen AG-mut oqaluttuarpoq.
Malik Lange Samuelsen, aalisartoq piniartorlu
Qasigiannguaneersoq, sapaatip-akunnerani kingullermi kapisilinniarluni
tupaallappoq.
- Qasigiannguaniippunga, kujataani Akulliit
nunaqarfikup kujataani eqalussuaq qaqutigoortoq kapisilinnut qassutinut
napissimagami, Malik Lange Samuelsen AG-mut oqaluttuarpoq.
Pingasunngornermi nalinginnaasumi Maliup
qassutinik kapisilinniutit amuleramigit pisaqarluarnissani neriuutigaa.
Malik Lange Samuelsen, aalisartoq piniartorlu Qasigiannguaneersoq, eqalussuaq qaqutigoortoq Qasigiannguit eqqaanni nunaqarfiunikup Akulliit kujataani qassutiminut kapisilinniutinut napimmat tupaallappoq.
Assi: Nammineq pigisaq
- Paperua nueqqaarami, nuigami kussangagami
sunaanersoq nalunarami. Aatsaat
niaqua nuimmat paasivara, isai, kigutai, niaqua allaagamik, Malik Lange
Samuelsen oqaluttuarpoq.
- Nuannaattappunga taamaattumik
takujuikkatta, taanna oqarpoq.
Malik naapertorlugu eqalussuaq 2 meterinik 35
centimeterinillu takissuseqarpoq.
- 200kg sinneqarpasippoq, oqimaalutannginnatsigu, taanna
oqarpoq.
Malik Lange Samuelsenip eqalussuaq nammineerluni
nunamut qaqissinnaannginnamiuk kammalaatiminut sianerpoq.
- Amia kinerami, nalunngisara ikinngutiga
kalderakku ikiorpaanga, taanna oqaluttuarpoq.
- Aqarujorua imaqanngilaq, talittarfimmi kranimi
nivingagami nipisaat marluk meriaagigamigit, Malik Lange Samuelsen
oqaluttuarpoq.
