Sisimiut Katersugaasivianni saqqummersitsineq: Naasut panernikut itsaq panertitat

Sisimiut Katersugaasiviannut iseraanni naasut katersukkat panertitallu takuneqarsinnaapput.

Johan Eugenius 1870-imi inuusoq, 1934-imilu toqusoq piniartuullunilu aalisartuusimavoq, saniatigullu naasunik katersisarsimalluni. Taassumami nunatta kitaata kujasinnerusortaani toqussi tikillugu 1920-imiit 1934-ip tungaanut naasunik katersisarsimavoq. 

Johan Eugeniusinnip naasut katersukkani panertitanilu naasorsiuumut Morten Pedersen Porsildimut, Den Arktiske Stationimik massakkut Qeqertarsuarmiittumik tunngaviliisumut nioqqutigalugillu tunissutigisarsimavai.

Katersugaasivimmi takuneqarsinnaapput katersukkami ilarpassui sumi naasarneri kalaallisut allallugit nassuiaasiorsimagai.

Johan Eugenius 1870-imi Nuummi Qaatanngutigiinniakkormiuulluni inunngorpoq. Tassani allanneq atuarnerlu ilinniarpai.

Poul Egedes bogherbarium fra 1739

Poul Egedep 1739-imi aamma naasut katersoriarlugit panertitai saqqummersinneqarput. Taassuma panertitai 58-upput, Qasigiannguani Nuummilu katersugaasimallutik. Quppersagaq naasut inuillu pillugit sukumiisumik oqaasertalersugaavoq, soorlu naasut kalaallsiut taaguutaannik maannamut ilarpassui suli atugaasunik. 

Saqqummersitsineq angalaartoq

Saqqummersitsineq maanna Sisimiut Katersugaasiviani pivoq, Qasigiannguanit aallartittumik. Aappaagu januaarip qaammataani Paamiuni saqqummersinneqassapput.

Sisimiuni Katersugaasivimmi saqqummersitat decembarip tungaanut pissaaq.