MOTOORI
Aqquserngit nungullarsimasut biilertunut nukillalaarnartut
Nuummi aqquserngit nungullarluinnarsimapput, tamannalu innuttaasorpassuit soorunami nukillalaarnartippaat. Taama inissisimasoqarnera arlalinnik peqquteqartoq, Kommuneqarfik Sermersuumit oqaatigineqarpoq – aaqqiisoqarnissaalu maanna sulissutigineqarluni.
Kommuneqarfik Sermersuup Nuummi aqquserngit nungullarsimaqisut iliuuseqarfigalugit maanna aallartippoq.
Assi: Oscar Scott Carl
Nuummi mittarfissualiornerup kinguneranik aqquserngit nungullarsimaqaat.
Suliarlu maanna naammassineqareermat, Kommuneqarfik Sermersuup aqqusernit
nutaamik asfaltilersorlugit aallartippai. Kommuni tusagassiuutinut
nalunaarummini taama allappoq.
- Inuit biilertillutik aqqusinerni itersat
aqqutigisartakkatik qatsukkaat nalunngilarput. Taamaattumik uatsinnut
pingaaruteqarpoq neriorsuiinnarata sapinngisatsinnik iliuuseqarnissarput,
pisariaqarnerpaat iliuuseqarfigalugit, Teknikimut Avatangiisinullu
Ataatsimiititaliami siulittaasoq, Uju Petersen oqarpoq.
Nuummi biilit
amerlanerulersut
Aqquserngit nungullarsimanerpaat suliarinissaannut pingaarnersiuinerit aallartinneqareerput aamma aasaq manna suliarineqartussat aallartissinnaajumallugit aningaasanik amerlanernik qinnuteqartoqareerluni.
Assi: Oscar Scott Carl
Asfaltiliorfik Munckimit 2020-mi tiguneqarmalli mittarfissuup
asfaltilersorneqarnissaa pingaarnerutinneqarpoq. Tamannalu Nuup aqqusernginik
suliaqarsinnaanermut killeqarnerulersitsivoq. Nuummittaaq biilit
amerliartornerat takuneqarsinnaasoq, aqquserngit nungullariartornerunerannut
sunniuteqarpoq. Assersuutigalugu nalunaarsuinermi takutinneqarpoq Sipisaq
ullormut 19.000-riarluni aqqutigineqartartoq.
Ukiup ingerlanerani piffissaq asfaltilersuiffiusinnaasoq
sivikitsunnguusarpoq, silalu ukiuni kingullerni asfaltilersuinissamut
tulluarneq ajorpoq. Asfalti manissarneqaruni minnerpaamik 120 gradinik
kissassuseqassaaq, silalu tallimat sinnerlugit kiappat aatsaat
asfaltilersuisoqarsinnaalluni. Maajimi apisarnera aamma juunimi juulimilu
sialuk ullunut asfaltilersuiffiusinnaasunut ikilisaataasartut, kommuni allappoq.
Aqquserngit
nungullarsimanerpaat siulliunneqassasut Aqquserngit nungullarsimanerpaat suliarinissaannut
pingaarnersiuinerit aallartinneqareerput aamma aasaq manna suliarineqartussat aallartissinnaajumallugit
aningaasanik amerlanernik qinnuteqartoqareerluni.
- Qaqugu sumilu asfaltilersuinissaq uagut nammineq
maanna aqussinnaanngorparput. Aqquserngit iluarsaannissaannut
periarfissaqarnerungaatsialerpugut, Uju Petersen oqarpoq nangillunilu:
Suut tamaasa ataatsikkut aaqqissinnaanngilavut,
aallartippugulli – aqquserngit iluarsaassassaanerpaat aallarniutigissavavut.
