Assartuussuaq gumminik assakaasulik umiarsualivimmi nakkartoq

 MALUGIUK: Assartuussuaq gumminik assakaasulik peerneqarsimasoq allaaserisaq nutarterneqarpoq.

Assartuussuaq gumminik assakaasulik Nuummi umiarsualivimmi nakkarsimasoq politiit sisamanngornermi ullaakkut nalunaaqutaq 10.51 nalunaarfigineqarput.

Ajutoorneq nal. 09.20 missaani RAL-ip Nuummi containerinut inissiisarfiata eqqaani aputaajaanermut atatillugu pisimasoq pigaartut pisortaat Jørgen Madsen oqaluttuarpoq.

Qujanartumik assartuummi aquttoq aquttoq assartuut umiarsualivimmut kivitinnagu niuvoq.

Taanna kingorna misissorneqartussanngorlugu ambulancemik Sanamukaanneqarpoq.

Politiit ajutoorfimmut ornigussimasut, aamma Suliffeqarnermut Nakkutilliisoqarfik ajutoornerup misissorneqarneranut peqataatinneqarsimasoq pigaartut pisortaat oqaluttuarpoq.

Assartuussuup umiarsualivimmit qaqinneqarnissaa sisamanngornermi misissorneqarpoq, qaqinneqarnerali pisimanersoq politiinit ilisimatitsissutigineqanngilaq.

- Maskiina uuliakuulaarpoq, annikitsuinnarmilli, taamaammat uulia aalariarsinnaammat assersuusersortoqanngilaq, Jørgen Madsen oqarpoq.

 Assartuussuaq gumminik assakaasulik qaqinneqarsimasoq inuit nittartakkatigut naapittarfiini erserpoq.