KL

DK

ULLOQ UNNUARLU NALUNAARUSIAQ

Brugsenimi annikitsumik ikuallattoqartoq

Nuummi Brugsenimi sapaammi unnukkut qisuminernik ikuallattoqarsimasoq nalunaarutigineqarpoq.

Grønlands Politi
Thomas Munk Veirum
Thomas Munk Veirum tusagassiortoq
Saqqummersinneqarpoq

Nuummi pisut annikitsunnguit arlallit politiit ulloq unnuarlu nalunaarusiaanni allaatigineqarput.

Nuup qeqqani Brugsenimi ikuallattoqarsimasoq sapaammi unnukkut nalunaaqutaq 22.44 missaani politiit nalunaarfigineqarput.

Ikuallattoq pisiniarfiup pujoorfianiinnaq pisoq pigaartut pisortaat Malik Olesen oqarpoq.

- Qatserisartut ornigupput, annertunerusumilli pisoqanngilaq, Malik Olesen oqarpoq.

Sapaammi Nuummi anorersuarujussuarpoq, ilaatigut illuaraq eqqaaveqarfik tingitaalluni.

Nuup illoqarfiata ilaani Qinngutsinni eqqakkanik quersuaq anorersuarmit uppissimasoq politiit nalunaaqutaq 17.45 nalunaarfigineqarput. Pisimasoq pillugu oqartussat pineqartut kalerrinneqarsimapput, pigaartut pisortaat oqarpoq.

brand samfund nuuk brugseni malik olelsen politiets døgnrapport

Atorfiit tamaasa takukkit

– Se alle jobs

Powered by Labrador CMS