Brugsenimi annikitsumik ikuallattoqartoq

Nuummi pisut annikitsunnguit arlallit politiit ulloq unnuarlu nalunaarusiaanni allaatigineqarput.

Nuup qeqqani Brugsenimi ikuallattoqarsimasoq sapaammi unnukkut nalunaaqutaq 22.44 missaani politiit nalunaarfigineqarput.

Ikuallattoq pisiniarfiup pujoorfianiinnaq pisoq pigaartut pisortaat Malik Olesen oqarpoq.

- Qatserisartut ornigupput, annertunerusumilli pisoqanngilaq, Malik Olesen oqarpoq.

Sapaammi Nuummi anorersuarujussuarpoq, ilaatigut illuaraq eqqaaveqarfik tingitaalluni.

Nuup illoqarfiata ilaani Qinngutsinni eqqakkanik quersuaq anorersuarmit uppissimasoq politiit nalunaaqutaq 17.45 nalunaarfigineqarput. Pisimasoq pillugu oqartussat pineqartut kalerrinneqarsimapput, pigaartut pisortaat oqarpoq.