Ujakkaarneq: Livignomi sungiusarnermi peqataasorpassuit

Ujakkaartartut katillugit 54-it ASP-meersut, SSP-meersut, NUP-meersut aamma NSP-meersut Livignomi Italiamiittumi sapaatip-akunnerani ataatsimi sungiusarput.

Livignomi sungiusaatigaluni katerinneq, tassani peqataapput ujakkaartartut 54-it klubbinit sisamaneersut.

KASSAALUK KRISTENSEN KASSAALUK KRISTENSEN Digitalredaktør

Saqqummersinneqarpoq 23. Februaari 2025 - 13:31

Ussassaarut

Ujakkaartartut peqatigiiffii sisamat Italiami sisorarfiit ulluni makkunani nuannisarfigaat. Ujakkaartartut Italiami Livignomi sungiusarlutik katersuupput, tamannalu kalaallit ujakkaartartut peqatigiiffiinit aamma Kalaallit Nunaanni ujakkaartartut ataatsimiititaliaannit aaqqissuunneqarpoq.

Ujakkaattartut kattuffiat tusagassiutinut taama nalunaaruteqarpoq.

Timersoqatigiiffiit ASP Aasianneersoq, SSP Sisimiuneersoq, NUP kiisalu NSP Nuummeersut ujakkaartartunik katillugit 54-inik peqataatitsipput. Sungiusarneq sapaatip akunnerata missaani sivisussuseqarpoq, ujakkaartartut misilittagaqarluartut pingasut sungiusaasuullutik.

Sungiusaasut tassaapput Martin Møller, Pipaluk Kristensen aamma Frederik Lundblad, taakkulu teknikkimik aamma qasujaallisarnermik kiisalu timersoqatigiiffiit akimorlugit ataatsimoornissaq sammineqarluni.

Aasianni GM

Ussassaarut

- Taamatut aaqqissuussinerit pitsaasuupput. Inuusuttut ilaasortavullu ataqatigiinnerulersillugit, taamaalillutik amerlanerusut inuuneq pitsaasoq qinersinnaaqqulluu kajumissaarisinnaammata, ASP Aasianneersoq Paninnguaq Steenholdt, Livignomi sungiusarnermi peqataasoq, oqarpoq.

Ujakkaartartut klubbii tulliani apriilip 14-18-ianni katersuutissapput, tassani ASP Aasiaat ujakkaartartut Nunatsinni pissartanngorniunneranni aaqqissuisuullutik.