VM-imut anngunniunneq
Kalaallit Mexicomut målimik ataatsimik ajugaapput
Unamminermi Kalaallit Nunaat Mexicomut pissanangartumi unammimmat Kalaallit Nunaat målimik ataatsimik ajugaavoq.
Kalaallit unammisartut Mexicomut unamminerup pissanganartorsiorfiusup kingorna isiginnaartut ilagalugit assilineqartut.
Berit Duus
Kalaallit Nunaat unammisaminut nukittuumut ippassaq VM-mut anngunniunnermi ajugaavoq. Nunarpummi Mexicomut pissanganarluinnartumut ippassaq nunatta nalunaaqutaat naapertorlugu unnukkut aqqanernut unammillutik aallartipput.
Nunatta nunanut allanut unammisartuisa iligiillutik suleqatigiilluarnertik ippassaq minutsini 60-ini takutilluarpaat.Unamminermi siullermi Kalaallit Nunaat 12-10-imik siuaqqavoq. Unamminerullu aappaani ingerlalluarnertik takuteqqillugu.
Unamminermi pissanganartumi nunatta akiuussinnaassutsini takutippaa, tassanimi 26-25-mik angusaqarlunik ajugaagamik. Isertitsinerpaat tassapput Pele Lynge, taanna arfineq-pingasunik isertitsisoq, Minik Dahl Høegh arfineq-marlunnik isertitsivoq.
Grønland - Cuba
Kalaallit angutit nunanut allanut unammisartut ullumi unammeqqinnissaminnut piareersimalluinnarput. Cuba ullumikkut unammissavaat.
Cabamut unammineq ullumi maajip ulluisa arfineq-pingajuanni unnugu nunatta nalunaaqutaa naapertorlugu qulingiluanut aallartissaaq. Unammineq KNR-TV-kkut toqqaannartumik malinnaaffigineqarsinnaavoq.
Kalaallit nunanut allanut unammisartut angutit VM-mut pingasoriarlutik peqataanikuupput, kingullermik 2007-imi peqataappput.
