"KING OF TAEKWON-DO"
Lars Lennert Abelsenimut kuulti aamma Angutinnguaq Nielsenimut sølvi
Nunanut allanut unammisartut unammersuarnermi“ King of Taekwon-do” -mut peqataanerminni unammereersimalerput. Unammisartut unammilluarput unammillerluarsinnaanertillu takutillugu, nunatsinni Taekwon-Dortartut kattuffiannit tulluusimaarutiginnilluni nalunaarutigineqarpoq.
Asseq: Greenland Taekwon-Do Federation
Nunatsinnit unammisartut unammerusussuseqarluarlutik
teknikkillu siuarsimanertik unamminermi takutippaat.
Unammisartut
imatut angusaqarput:
KING OF TAEKWON-DO
King of Taekwon-Do unammersuarneruvoq nunat tamalaat peqataaffigisinnaasaat ukiut tamaasa
ingerlanneqartartoq.
Ukioq manna nunat uku ilaatigut peqataapput: Kalaallit Nunaat, Grækenland,
Tjekkiet, Italien, Ukraine, Estland, Kirgisistan, Bulgarien, Belgien, Bosnien-Hercegovina,
Nordmakedonien, Cypern, De Forenede Arabiske Emirater, Albanien, Serbien, Paraguay og Argentina.
- Lars
Lennert Abelsen: Tul-imi angutini 4. dan-inik qitequtilinni guld -innappoq.
- Angutinnguaq
Nielsen: Tul-imi 1. dan-inik qitequtilinni inuusuttuaqqani sølv-innappoq,
finalemi ajorsarluni unammisartumut Grækenland-imeersumut.
- Inukkuluk
G. Lennert: Inersimasuni 2. dan-inik qitequtilinni, unammineq siulleq
unammisartumut Grækenland-imit ajorsarpoq. Unammisaa kingusinnerusukkut
bronzinnappoq. Inukkuluk piffissaq kingulleq ajoquseqqanikuuvoq taamaattumik
killilimmik sungiusarsinnaanikuulluni.
- Maasi
Davidsen: Inersimasuni 78 kg. ataallugit oqimaassusilinni unamminerup aappaani,
unammisartumut Italiameersumut ajorsarpoq, ajorsarfialu kingusinnerusukkut
sølv-imik medaljennappoq.
Unammisartut tul-imi takutitsilluarput, frikamp-imilu aamma
ineriartornissamut periarfissaqarluarpoq
- Tul-imi nunatsinnit unammisartut unamminermi takutippaat,
nunani allani unammisartut piginnaaneqarluartut unammillerluarsinnaallugit.
Taannalu pitsaassuseq suli ineriartorteqqissavarput. Taamatuttaaq frikamp-imi
unamminermi unammisartup takutippaa piginnaaneqarluarluni, aammalu suli
annerusumik piginnaasalernissaminut ineriartorsinnaalluarluni, Louis Nielsen, kattuffik sinnerlugu sungiusaasutut angalaqataasoq oqarpoq nangillunilu:
- Unammisartut
piginnaasaat killiffiilu misiligareersimalerpagut, maluginiarlugillu suut
piffissaq aggersoq ineriartortissinnaallutigit. Nalilersuereerutta unammisartut
suleqatigalugit ukiut tullissaanut piareersarnissaq ingerlateqqissavarput,
taamalilluta pitsaanerpaamik aappaagu EM-imut upernaakkut Estland-mi
ingerlanneqartussamut piareersarsinnaassalluta.
Nunanut
allanut unammisartut Elite Sport Greenland-mit tapersersorneqarput.
