MOTOORI
Angallat upernaakkut angalanissamut piareersarlugu
Inuppassuit imaatigut upernaakkut angallatilersarput. Nuummi suliffeqarfimmi GL Boats-imi angallatit aasaanerani angalaartoqatalernissaa sioqqullugu ulapputtoqarpoq.
Alex Grønkjær (tv) og Sebastian Thomsen (th) overtog for to år siden Nurepa Boats, som i dag hedder GL Boats. De to bådebyggere reparerer både og har ekstra travlt op til sæsonstart.
Foto: GL Boats
Angallatilerisut
Alex Grønkjærip Sebastian Thomsenillu angallatinut sannavik Nurepa Boats ukiut
marluk matuma siorna 2/3-imik piginneqataaffigilerpaat, kingornalu taanna GL
Boats-imik taaguuteqalersillugu. Inuit angallatiminnik
iluarsaasssititserusuttut amerlammata taamanimiilli niuerneq ingerlalluarpoq,
maannalu aasaanerani imaatigut angallannerup aallartinnissaanut piareersarnerit
ulapputigineqaleruttortut Alex Grønkjær oqarpoq.
- Sannavimmi
angallatit sisamanut tallimanulluunniit inissaqartitsivugut, taakkunannga
amerlanerpaat glasfiberimik suliaqarfigisarlutigit. Angallatit umiatsiallu
qaavi silillugillu naqqi qalipattarpagut aamma qallerneri qisuttaallu
aserfallatsaaliortarlugit. Aamma angallatit allanngortillugit sanaqqissinnaavugut, ninngunerulersillugit,
tallillugit atortuinilluunnit assigiinngitsunik ikkussuisinnaalluta, kiisalu
gummibådet pvc-millu angallatiliat ilusarsaassinnaallutigit.
GL Boats har plads til 3-4 både på værkstedet. Her er Alex Grønkjær og Sebastian Thomsen i gang med at arbejde på en båd, der netop er kommet ind på værkstedet
Foto: GL Boats
Alex
Grønkjær aamma Sebastian Thomsen, politiit illersornissaqarfiullu ujaasinermi
annaassiniarnermilu angallataanik Søfartstyrelsenmit akuersissuteqarlutik
iluarsartuussisarput, angallataatillillu nammineq qanoq angallatiminnik
aserfallatsaaliuisinnaanerat takutikkusuppaat.
-
Suliarinera annertunngilaq, piffissarlu ungasinnerusoq eqqarsaatigalugu imminut
akilersinnaalluarluni, Alex Grønkjær oqarpoq.
Angallatinik
aserfallatsaaliinerit Angallat
ukiuinnginnerani pooreerneqarsinnaavoq angallatillu naqqata simia peerlugu.
Angallataatillimmi angallammukarnerminni motooreqarfik immassimasoq
misigerusunnavianngilaat.
Aamma
angallat ajoqusersimanersoq naasunilluunniit nippussuuffigineqarsimanersoq
misissoriarlugu asanneqassaaq naqqalu sileriarlugu, qallerlugu qalipallugulu.
-
Suliassagut amerliartuinnarmata inuit angallatiminnik misissuilereernissaannik
kaammattorpavut. Sapaatit akunnerini tulliuttuni pingasuni suliassanik
ulikkaaqqavugut, tullinnguuttulli utaqqisunut allattorsimaffimmut
allattulissallugit, Alex Grønkjær oqarpoq.
GL Boats
angallatit umiarsualimmiit sannavimmut assartorneqarnissaannik assartuisartunik
assigiinngitsunik suleqarteqarpoq.
Allaaserisaq Motoorimi saqqummersinneqarpoq. Motoori uani atuarneqarsinnaavoq
