Kalaallit Nunaanni allakkerivik Tusass ukiuni 2023-miit 2026-mut ulluinnarni sapiitsuliortunut, ataqqinaataasumik nipitittakkanik arfineq-pingasunik saqqummersitsivoq, sunniuteqarluartunik saqqummersitsisarnerit naggaserlugit Pride-mik aqqutissiuisoq Nuka Carmen Bisgaard, 1990-imi inunngortoq, aamma rappertartoq Josef Tarrak-Petrussen, 1998-imi inunngortoq, assitaliullugit nipitittakkat saqqummersippai.
– Nuka Carmen Bisgaard maligassaalluarpoq, taannalu nipitittakkami naqinneqartariaqarpoq, nipitittakkanut pisortaq Allan Pertti Frandsen ullormi saqqummersitsiffimmi, Nuka Carmen Bisgaardimut tulluusimaartumut killitsisimasumullu, naasunik nipitittakkanillu naqitanik tunniussinermi taama tunngavilersuivoq.
Kalaallit Nunaanni allakkerivik Tusass ukiuni 2023-miit 2026-mut ulluinnarni sapiitsuliortunut, ataqqinaataasumik nipitittakkanik arfineq-pingasunik saqqummersitsivoq, sunniuteqarluartunik saqqummersitsisarnerit naggaserlugit Pride-mik aqqutissiuisoq Nuka Carmen Bisgaard, 1990-imi inunngortoq, aamma rappertartoq Josef Tarrak-Petrussen, 1998-imi inunngortoq, assitaliullugit nipitittakkat saqqummersippai.
– Nuka Carmen Bisgaard maligassaalluarpoq, taannalu nipitittakkami naqinneqartariaqarpoq, nipitittakkanut pisortaq Allan Pertti Frandsen ullormi saqqummersitsiffimmi, Nuka Carmen Bisgaardimut tulluusimaartumut killitsisimasumullu, naasunik nipitittakkanillu naqitanik tunniussinermi taama tunngavilersuivoq.
Nuka Carmen Bisgaard Nuummi Pridemik ingerlaaqatigiinnermik siullermik 2010-mi aallarniivoq, tassani inuit 1.000-it lastbiili neriussaamik erfalasulisaartoq siuleralugu ingerlaaqatigaat. Piviusulersaarummi sakkortuumi »Eskimo Diva«-mi 2015-imeersumi illoqarfinnut nunaqarfinnullu LGBT+-ikkut toqqorterfigisaannut angalavoq. Aqqutissiuisutut sulinera Kalaallit Nunaanni suiaassutsimik suiaassusermillu assigiinngissuteqarnermut paasinninnermik allanngortitsisimavoq, inuttulli pilliuteqarfiuvoq. Nuka Carmen Bisgaard uinilu ullumikkut Vejenimi najugaqarput.
„Kalaallit, kamagitsi“ Ulluinnarni sapiitsuliortoq alla nammineq frimærkeqalersoq tassaavoq rappertartoq Josef Tarrak-Petrussen Hans Egedep eqqaassutissaata eqqaani nipituumik nipilersorluni videoliami „Tupilak“: „– Kalaaleq makigit, akigit, kamagit, sanagit!“-mi saqqummeqqaartoq.
Kalaallit Nunaanni kamassutissaqarluarpoq, Josef Tarrak-Petrussenillu rappernera sakkortooq inuiaqatigiinnik isornartorsiuisartunut nutaanut assersuutaalluarpoq, taakkualu oqaasii nipilersugaallu nunasiaanerup kingornussaanik oqimaatsunik, innuttaaqatigiinni ajornartorsiutinik qallunaallu kalaallillu akornanni oqimaaqatigiissaarinermik ajornakusoortumik oqaluttuarput.
Tamanna Roskilde Festivalimi 2023-mi aasaq mannalu malugineqarpoq, tassani rappertartup, aaqqissuussisut oqarnerat naapertorlugu inuttut politikkimullu tunngasut killitsinnartut taalliamini ataqatigiissippai. Tusassip Josef Tarrak-Petrussen ukioq manna kingusinnerusukkut naasunik frimærkinillu tuniumaarpaa.
Allannguisut Inuit suli akornatsinniittut aatsaat kunngikkormiuugaangamik nunatsinni frimærkiniittaraluarput. Tusassip ulluinnarni sapiitsuliortut pillugit saqqummersitsinermini innuttaasunik inuiaqatigiinnut immikkut ittumik iliuuseqartunik nersuineq nunarsuaq tamakkerlugu ileqquulersoq malippaa.
– Ulluinnarni sapiitsuliortut arfineq-pingasut frimærkinut ilanngunneqarnerat Kalaallit Nunaata kinaassusianik ataatsimoorneranillu inuinnaat isiginnittaasiannik ersersitsivoq, frimærkinik aqutsisoq Allan Pertti Frandsen nassuiaavoq.
Assilialiortup Lisbeth Karline Poulsenip ulluinnarni sapiitsuliortut sinilerlugit nivinngarpai.
2023: Bodil Davidsen – Alfred Olsen
2024: Nanna Knudsen – Rebekka Olsvig
2025: Aviâja Egede Lynge – Aima Jensen
2026: Nuka Carmen Bisgård – Josef Tarrak-Petrussen