Østerxsømi russit umiarsuaannut droninik saassussineq pillugu nunat nalunaaruteqartut

Finland Ruslandisulli Østersømi nunat tamat imartaanni russit umiarsuaannut assartuummut saassussinermik nalunaarsuivoq’.

Finlandimiut killeqarfimmik nakkutilliisuisa assilisaanni Østersømi pujoq inniussagunartullu umiarsuarmit ”Sparta II”-meersoq takuneqarsinnaavoq’.
Saqqummersinneqarpoq

Ruslandimiut umiarsuaat assartuut Kaliningradimukaartoq Finlandip Iterlassuani nunat tamat imartaanni droninit marlunnit eqqorneqarpoq.

Taama Ruslandip immikkoortuani Leningradimi guvernøri, Aleksandr Drozdenko, arfininngornermi SoMe-mut ivertissami oqarpoq.

Tamanna Ruslandip killeqarfianit 3 sømilisut ungasitsigisumi pisimavoq. Tassa 5,6 kilometerit missaannik ungasitsigisumi.

Finlandimiut sakkutuui – Rusland assigalugu – Østersømi nunat tamat imartaanni dronit russit umiarsuaannik assartuummik saassussineq nalunaarsoraat, Finlandimi illersornissamut ministereqarfik ilisimatitsivoq.

Umiarsuaq ikuallattoq nalunaarutigineqarpoq, Finlandillu killeqarfimmi oqartussaassui naapertorlugit Finlandip imartaanut tipivoq.

Finlandip killeqarfimik nakkutilliisuisa assilisaanni umiarsuarmit pujoq inniussangatinneqartullu takuneqarsinnaapput.

Finlandimi oqartussaasut umiarsuit angallattut allat naviarnartorsiunngitsut naliliipput, avatangiisinilli innarliisoqarnissaanut aarlerinartoqarpat iliuuseqarnissamut piareersartoqarpoq. Oqartussaatuttaaq annaassiniarnissamut piareersartut, nalunn’arutigineqarpoq.

Estlandimiut killeqarfimmi oqartussat aamma pisoqarneranik nalunaarsuipput.

Taakku ikuallattoqarneranik umiarsuarmilu qaartoqarneranik arfininngornermi nalunaaqutaq 9.35 nalunaarfigineqarput. Taama Estlandimiut nutaarsiassaqartitsiviat ERR nalunaarpoq.

Tusarfiit malillugit umiarsuaq ”Sparta II” Sankt Petersborgimit avalattoq pineqarpoq.

Umiarsuup inuuttai qimagussortinneqaleruttortut, Drozdenko siusinnerusukkut oqarpoq.

Arfininngornermut unnuaani Østersøp eqqaani droninik ingerlaartoqartoq nalunaarutigineqarpoq. Estlandimi innuttaasut mianersoqquneqarput, Finlandillu imaani silaannakkullu angallannermik killilersuilerpoq.

Leningradimi Sankt Petersborgip eqqaani dronit 80-t nakkartinneqartut, Drozdenko oqarpoq.

Finlandip iterlassua Østersøp kangiata tungaaniippoq, Finlandimullu, Estlandimut Ruslandimullu, tassanilu illoqarfissuarmut Sankt Petersborgimut – Siusinnerusukkut Leningraditut ilisimaneqartumut sineriaqarluni.

Nunataq Ruslandimut atasoq Kaliningrad kippasinnerusumi Litauenip Polenillu akornanniippoq.

Kikkut saassussisuunerat pillugu nalunaartoqanngilaq.

Ukraine sorsuffiup ungataanut Rusland arlaleriarluni saassuttarpaa.

RITZAU

Powered by Labrador CMS