KL

DK

19-inik ukiulik suli ujaarineqarpoq

Angut 19-inik ukiulik suli ujaarineqarpoq. Taanna Qaqortumi angerlarsimaffimminiit anisoq kingullermik takuneqarpoq.

Thomas Munk Veirum
Tusagassiortoq
Saqqummersinneqarpoq

19-inik ukiulik Brian Adolfsen juulip 24-ani sisamanngornerup unnuaani tammaaneqalerpoq. Taanna Qaqortumi Majavejip eqqaani angerlarsimaffimminit nalunaaqutaq 00.30 missaani animmat kingullermik takuneqarpoq.

Oqartussat namminnerlu kajumissutsiminnik ujaaseqataasut angut inuusuttoq tammaaneqalerneranit ujaaraat.

Ujaasinermi ajoraluartumik nassaartoqanngitsoq ullumilu ataasinngornermi nangeqqinneqassasoq politiini pigaartut pisortaat Aqqalu Petersen oqarpoq.

- Ullumi ujaaseqqissaagut. Ujaasineq Qaqortumi politiit suleqatigalugit pigaartut allaffiannit ataqatigiissaarneqassaaq, oqarpoq.

Brian Adolfsenip sumiinneranik ilisimasallit politiinut oqarasuaammut 701448-mut saaffiginneqquneqarput.

qaqortoq inuiaqatigiit inuiaqatigiinni brian adolfsen ujarlerneq politiit

Atorfiit tamaasa takukkit

– Se alle jobs

Powered by Labrador CMS