Politiit: Toqusoqarnera ajunaarnermik pissuteqartoq

Sisamanngornermi Kalaallit Nunaanni Politiit ilisimatitsipput, Paamiuni najukkat ilaanni politiit misissuisut pasinartutut isikkulimmik toqusoqarsimanera pissutaalluni.

Politiit inerniliipput, ajunaarneq toqusoqarneranut pissutaasimasoq, taamaammallu pinerluttoqarsimanngitsoq:

– Toqusoqarsimaneranut atatillugu pisimasut maanna misissorneqareerput. Misissuinerillu takutippaat ajunaartoqarneratigut toqusoqarsimasoq aammalu tamanna pinerluttoqarsimaneranik pissuteqanngitsoq. Qanigisaasut ilisimatinneqareerput, pisoq pillugu politiit naatsumik nalunaaruteqarlutik taamak allapput.