KL

DK

2025-mi susoqassava?

AG-p nuannaarutit — immaqalu aliasuutit — ukiumi nutaami pisussat siumoortumik sammivai. 2025-mi pisussat suut ullorsiutinut allassavagut, kikkullu akunnaalliliissappat?

Mittarfissuaq angallannermi aamma qitiulluartunngussaaq.
Niels Ole Qvist
Tusagassiortoq
Saqqummersinneqarpoq

2024 inuulluaqqungajalerparput. Marlunngorpat nalunaaqutaq 23.59 ukiup naanerani nalunaaquttap siarngi avilualaalerpata ukioq nutaaq aallartissaaq.

Eqitaarpugut. Ilaat nuannaarlutik ukiumut nutaamut isertarput, allalli immaqa anersaaruluttarlutik. Arlaatigut pissanngateqarluta nutaamik aallartitsisarpugut. Atuagaq nutaaq sumilluunniit allaffigineqarsimanngitsoq. Suummita allanneqassappat?

2024 inuulluaqqungajalerparput. Marlunngorpat nalunaaqutaq 23.59 ukiup naanerani nalunaaquttap siarngi avilualaalerpata ukioq nutaaq aallartissaaq.

Eqitaarpugut. Ilaat nuannaarlutik ukiumut nutaamut isertarput, allalli immaqa anersaaruluttarlutik. Arlaatigut pissanngateqarluta nutaamik aallartitsisarpugut. Atuagaq nutaaq sumilluunniit allaffigineqarsimanngitsoq. Suummita allanneqassappat?

Kalaallit Nunaanni nunanilu allani pisussat pingaarutillit, ullorsiutini allassimareersut allaaserisamilu tulliuttumi sammisassavut, nalliukkumaarput. Soorunami ilimaginngisanik aamma pisoqartussaavoq.

2025-mi pissutsit 2024-mi pisutulli nalorninartigissappat? Inuit sorsunnernit, eqqissiviilliornernit, akerleriiffiusunit aagasaartunit, qarsutsinernit, orpippassuit ikuallannerannit panernersuarmiillu qimarngutissappat?

Imaluunniit kiisami siumukaartoqalissava: Frank Sinatrap isumalluarluni erinarsorneratulli: The Best is Yet to Come! (Ullut nuannersut takkuttussaapput aaqq.)

Trump

Kalaallit Nunaanni politikkikkut pisussat pingaarnersaat tassaassaaq Inatsisartunut qinersineq. Kingullermik qinersineq pivoq 2021-mi apriilip arfernani, ukiullu sisamakkaarlugit qinersisoqartarmat Múte B. Egedep qaqugu qinersisoqarnissaa qanittukkut aalajangertussaavaa. Uagut eqqoriaaqattaaginnartariaqassaagut: Marlunngornermimi apriilip aallaqqaataani?

Apriilimi nunatsinni allamik aamma pisoqartussaavoq: Qaqortoq pisortatigoortumik 1775-imi – apriilip arfineq-aappaanni – tunngavilerneqarpoq, taamaammallu illoqarfiup ukiunik 250-inngortorsiornissaa qalliartorpoq. Nunasiaanerup ukiuini siullerni 125-ini Qaqortumi ikittuinnaat najugaqarput, tassa ilaqutariit qallunaat palasikkut, niuertut kalaallit arnartaannik nuliarsimasut taamaalillunilu innuttaasut amerliartuaarlutik. Taamanikkut piniakkat sumiinneri apeqqutaallutik inuit sumiiffinni siammaqqapput.

Kalaallit Nunaanni pisut allat ilagaat Nuummi mittarfissuaq nunanit tamalaanit aasaru atorneqarlualissammat. Billundimiit Aalborgimiillu toqqaannartumik timmisartuussisoqaqqilissaaq, nunanilu allani timmisartuutileqatigiiffiit arlallit timmisartuussisalernissartik nalunaarutigisimavaat. SAS juunimi timmisartuussisalissaaq, United Airlinesillu pilersaarutit malillugit New Yorkimiit timmisartuussisalissaaq.

Nunarsurmit tamarmit Washington, D.C.-mi pisut malinnaavigineqassapput, tassani Donald Trump januaarip 20-ani nalliuttorsiutaasumik præsidentinngortinneqassammat.

2025-mi nunani amerlasuuni, ilaatigut Tysklandimi, Norgemi, Australiami Canadamilu, qinersisoqassaaq.

2025 aamma tassaassaaq »pulateriaarsuup ukiua«. Pulateriaarsuit quilertanartuupput, aammali pissuserineqartussanut ajunngitsunut, soorlu kusanarnermut, nalunartunut, ilisimassutsimut malussarissutsimullu attuumassuteqartinneqartarput.

Timersornermullu!

Nunani tamalaani timersornermut tunngasut inuit amerlanersaasa tv-kkut malinnaavigiinnartarpaat. Aamma 2024-mi pisutut, tassa OL-ertoqarneratut arsaannermi VM-ertoqarneratut, ukiortaami malinnaavigineqarsinnaasut amerlatiginngillat. Angutilli assammik arsarlutik januaarip qiteqqunnerani nunarsuarmi pissartanngorniutissapput, tassani Danmarki siuttuulluni.

Aamma Champions League isiginnaarneqangaatsiartartut ilagisaat Tysklandimi Münchenimi maajimi pissartanngorniuttoqarnissaata tungaanut malinnaavigineqarsinnaassaaq, USA-milu aasaru arsaattartoqatigiit nunarsuarmi pissartanngorniunnissaat aaqqissuunneqassalluni.

2025-mi tusarnaartitsisoqarnissaanik takorluugaqaraanni aningaasaateqarluartariaqarpoq. Kikkummi tamarmik Europaliarnissamut USA-mulluunniit tusarnaariarnissamut billetsisinissamik akissaqanngillat.

2025-mili nipilersornikkut pisut pingaarnerit ilaat saqqummiutissavagut. Qatanngutigiit Gallagherikkut ataatsimuuleqqinnikuupput, taakkulu nipilersoqatigiit Oasis-issikkut nunarsuaq tamakkerlugu tusarnaartitsiartorlutik angalassapput. Billie Eilish tusarnaartitsiartorluni aamma Europamukassaaq.

Atuakkianik soqutiginnittunut nuannersinnaavoq paasissallugu atuakkiaq »The Great Gatsby« apriilip qulingani saqqummersinneqarneraniit ukiuni 100-nngortorsiussammat. Taanna atuagaq nunarsuarmi tusaamasaq atuakkiortumit F. Scott Fitzgeraldimit allanneqarpoq, 1925-mi apriilip qulingali saqqummerluni. Filminngortinneqarnerani Leonardo DiCaprio inuttaavoq.

Alianarluinnartoq eqqaaneqarsinnaasoq alla tassaavoq septembarimi naanerani sorsunnersuup aappaata qaangiunneranit ukiut 80-it qaangiutissammata. Sorsunnersuup aappaa inuit oqaluttuarisaaneranni aserorteriffiunerpaallunilu toqoraaffiunerpaasimavoq. Sorsunnersuarmi toqunneqartut katillugit 60 millionit tungaanuussangatinneqarput.

Aleqa, Erik Naajalu

Dronning Margrethe apriilimi 85-iliissaaq, Aleqa Hammondilu, ukiuni marlussunni Kalaallit Nunaanni »politikkikkut dronningiusimasoq«, septembarimi 60-iliissaaq. Erik Jensen aamma inersimasunngussaaq – juulimi 50-iliissaaq. Naaja H. Nathanielsen aamma akunnaalliliissaaq, decembarimi 50-iliissaaq.

Piffissaq ingerlapallappoq. Sukkasoorujussuarmik. Tamanna qularnanngilluinnarpoq. Arlaannilli susoqariataarsinnaasoqartuaannarpoq. Ukiorli nutaaq nuannersumik atorluarnissaa apeqqutaavoq, aamma ilimaginngisanik pisoqartillugu.

2025-mi iluatsitsilluarnissassinnik kissaappatsigit!

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

inuiaqatigiit inatsisartut grønland donald trump samfund qaqortoq oasis

ATORFIIT Se alle jobs

Powered by Labrador CMS