Atassut Avannaata Kommuniani Siumumik Naleqqamillu suleqateqalertoq

Atassut nunatsinni kommunit avannarlersaanni amerlanerussutilinnut ilannguppoq. Assortuussutaasartut isumaqatigiinngissutaasartullu suleqatigiilernermi qitiutinneqanngitsut, partiip siulittaasua oqarpoq. Taakkuali angusassat sukkanerpaamik qularnaannerpaamillu angorusullugit suleqatigiinnut borgmesteriutitaqartunut ilanngupput.

- Borgmesteriutitaqartunut peqataalernitsinnut tunngaviuvoq Avannaata Kommuniani angusaqarusukkatta, Avannaata Kommuniani suleqataarusukkatta. Teqeqqumiiginnarnissarput toqqanngilarput, suleriuserput allanngortikkusukkatsigu, Aqqalu C. Jerimiassen oqarpoq.
Saqqummersinneqarpoq

Atassut Avannaata Kommuniani borgmesteriutitaqartunut suleqataalerpoq. Atassutip siulittaasua, aamma Avannaata Kommuniani kommunalbestyrelsimi atuuffeqartoq, Aqqalu C. Jerimiassen, Sermitsiamut uppernarsaavoq.

Taanna Facebookkimi quppernermini arfininngornermi unnuttoq allappoq, partii Siumumik Naleqqamillu kommunimi suleqateqarnissamik isumaqatigiissuteqartoq.

Atassut Avannaata Kommuniani borgmesteriutitaqartunut suleqataalerpoq. Atassutip siulittaasua, aamma Avannaata Kommuniani kommunalbestyrelsimi atuuffeqartoq, Aqqalu C. Jerimiassen, Sermitsiamut uppernarsaavoq.

Taanna Facebookkimi quppernermini arfininngornermi unnuttoq allappoq, partii Siumumik Naleqqamillu kommunimi suleqateqarnissamik isumaqatigiissuteqartoq.

- Tallimanngormat suleqatigiinnut ilannguttoqarsinnaanersoq saaffiginnippunga. Saaffiginnissut tigulluarneqaqaaq, tupaallannalaartumillu suna tamarmi sukkasoorujussuarmik ingerlavoq, Aqqalu C. Jerimiassen suleqatigiinnut ilanngunnerup aallartiffia pillugu oqarpoq.

Kisianni sooq kommunimi qinigaaffik qiteqqutilereertoq tamanna pisariaqalernersoq ima nassuiarneqarpoq: 

- Illuatungiliuttut suleqatigilluaraluarpagut. Kisianni akisussaaqataanermik tiguserusunnerput uaniilerami, kommunip ingerlanneqarnera sunniutilimmik akuuffigissagutsigu, uagut nammineq anguniakkagulluunniit qanoq allaanerutigigaluarpata, akuugutta suleqataasinnaanerlu ammatillugu taava sunaluunniit angusassarput qaninnerusussaammat.

- Borgmesteriutitaqartunut peqataalernitsinnut tunngaviuvoq Avannaata Kommuniani angusaqarusukkatta, Avannaata Kommuniani suleqataarusukkatta. Teqeqqumiiginnarnissarput toqqanngilarput, suleriuserput allanngortikkusukkatsigu. Qinersineq pereernikuuvoq, taamaammat amerlanerussuteqartut ataqqillugit peqataaffiginissaat maanna aalajangiupparput, Atassutip siulittaasua oqarpoq.

Borgmesterimut sakkortuuliortarnini pillugu: Saammaalluta assamminnikuuvugut

Aqqalu C. Jerimiassen kommunimut siorna qineqqusaarnermi anguniagaqarpoq. Qinersisini naammappata borgmesteritut ajukkunnani, Ilulissani Sermermiuni siorna qineqqusaarnermi qinersisartut suaaruteqarpoq. Tamannali qinersereernermi piviusunngunngilaq. Siumut Avannaata Kommuniani partiitut anginerpaanngorpoq, taamaalilluni borgmesterinngortitaqarluni.

Aqqalu C. Jerimiassenip borgmesteri, Lars-Erik Gabrielsen (S), qineqqusaarnerup qinikkatullu atuunnerup nalaani sakkortuumik isorisarpaa. Assortuussutaasartulli isumaqatigiinngissutaasartullu maanna qitiutinneqanngitsut, taanna oqarpoq.  Angusassat sukkanerpaamik qularnaannerpaamillu angorusullugit suleqatigiinnut borgmesteriutitaqartunut ilanngupput. 

Borgmesterimut, Lars-Erik Gabrielsenimut, qineqqusaarnerup nalaani kommunalbestyrelsillu inissititserluni ataatsimiinnerata kingorna, sakkortuumik isorinnittarnitit nalunnginneqaatigaatit. Saammaakkassi?

- Saammaasseqatigiilluta siornatigut assamminnikuuvugut. Uanga taanna attappara. Borgmesterip qanoq pissuseqarsimaneri uanga ullumikkut pulaffiginianngilakka. Peqatiginissaa maanna toqqarparput taamaattumik siunissamut maanna isigerusunneruvunga, Aqqalu C. Jerimiassen oqarpoq.

Sermitsiap Lars-Erik Gabrielsen suleqatigiilerneq pillugu oqaaseqartikkumallugu attavigisaraluarpaa. Tamannali iluatsinngilaq.

Aqqalu C. Jerimiassenip suleqatigilikkami isumaqatigiissutaat allanngussanngitsoq naatsorsuutigaa. Atassut Avannaata Kommuniani marlunnik ilaasortaatitaqarpoq. Tassa Aqqalu C. Jerimiassen aamma Knud Kleemann. Taakkua ataatsimiititaliani pilerigisaminni inissaqartinneqarnissartik kissaatigaat. 

- Siulittaasuuffimmik pissarsissagutta ataaseq pissarsiarisinnaassuarput. Kisianni annerusumik tassunga tunngatillugu noqqaanianngilagut. Assersuutigalugu aningaasaqarnermut aamma aalisarnermut ataatsimiititaliani inissaqartinneqarutta tamanna aamma naammagissuarput, Aqqalu C. Jerimiassen oqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS