65-inik ukiulik ajunaarsimasoq nassaarineqartoq
Angut 65-inik ukiulik Maniitsumiu ujaasisoqangatsiareersorlu toqungasoq nassaarineqarpoq.
Assi: Oscar Scott Carl
Maniitsumi sapaatiummat ujaasineq aallartinneqartoq periarfeerunneqartorlu toqungasoq nassaarineqarsimasoq Kalaallit Nunaanni Politiit marlunngornermi nalunaarput.
Maniitsup eqqaani qeqertap Ivittusup ungasinngisaani umiatsiaq inuttaqanngitsoq sapaammi septembarip 21-ani nassaarineqartoq oqartussat nalunaarfigineqarmata ujaasineq aallartinneqarpoq.
Qulimiguullit marluk politiillu angallataat atorlugit periarfeerunneqartoq angut 65-inik ukiulik ujarneqarsimasoq pigaartut pisortaat Aputsiaq Hansen oqarpoq.
Inuk toqungasoq imaani nassaarineqartoq Aasiaat Radioatigut politiit marlunngornermi nalunaarfigineqarput, kinguninngualu paasineqarpoq angut periarfeerunneeqartuusoq.
Oqartussat ujaasinermi kajumissutsiminnik ikiuuttut qutsavigaat, suliassarmi tamanna imaannaanngitsuullunilu annertummat, pigaartut pisortaat oqarpoq.
Angutip ilaqutai ilisimatinneqareerput.
