KL

DK

77-inik ukiulik hashimik nunatsinnut eqqusseriassamaaraluartutut pasineqarpoq

Rømø-mi umiarsualivimmi angallammi hashi 19 kilo aningaasarpaaluillu danskit politiivisa nassaaraat.

Ritzau
Saqqummersinneqarpoq

Rømømi umiarsualivimmi umiatsiaq angallassissutissatut toqqarneqarsimavoq, Danmarkimiit Kalaallit Nunaannut hashimik eqqusseriarnermi assartorneqartussatut, taamak politiit isumaqarput.

Angallammi pineqartumi politiit katillugit 19 kilo hashi sisamanngornermi nassaaraat, taama Jyllandip kujataani  Sønderjyllandillu Politiivi tusagassiuutinut nalunaarummi tallimanngornermi nalunaaruteqarput.

Angallatip piginnittua tassaavoq angut 77-inik ukiulik. Taanna Kalaallit Nunaannut ikiaroornartunik eqqusseriarassamaartutut pasineqarpoq, pineqartulli pasineqarnini qanoq isumaqarfigineraa ilisimatitsissutigineqanngilaq.

Killisiuisoqareernerata kingorna angut iperagaavoq, vicepolitiinspektør Karsten Hulmose tusagassiuutinut nalunaarummi taamak oqarpoq.

- Sulinitsinni nassaarisavut pillugit naammagisimaarinnippugut, tamanna pivoq misissuineq sivikitsoq sukumiisorli ingerlanneqareersoq, taanna oqarpoq.

Aamma “aningaasarpaaluit” arsaarinnissutigineqarput, kisianni aningaasat qanoq amerlatigisut pineqarnersut politiit paasissutissiissutiginngilaat.

Allat siusinnerusukkut ikiaroornartunik Kalaallit Nunaannut eqqusseriartarput, ilaatigut ikiaroornartunik iioraareerlutik timmisartutigut avannamut ingerlaartartut arlaqarput. Taamatut eqqusseriartoqartarnera ulorianartuuvoq. Inuit arlallit maannamut toqqutiginikuuaat, 2022-mi nalunaarusiornermi tamanna ersersinneqarpoq.

Qaqortumi angut 53-nik ukiulik toqunikuuvoq, poortugaaqqanik hashimik imalinnik iioraasimanermi kingorna erlavimmigut aseruuttoornermi kingorna.

Angut 30-it sinnerlugit ukiulik Københavnimiit Kangerlussuarmut ingerlaarnermini toquvoq. Angullu alla Aarhusip nalaaneersoq aamma toquvoq, hashimik naarmioqarnermi kingunerisaanik.

hashsmugling hash inuiaqatigiit politi samfund

ATORFIIT Se alle jobs

Powered by Labrador CMS