KL

DK

SSA pillugu isumaqatigiinniarnerit naammassisut: 30 millioningajaat kalaallinut Danmarkimi atugarliortunut atorneqassapput

SSA-mut immikkoortitat 450 millionit koruunit ukiuni aggersuni qanoq agguataarneqassanersut danskit naalakkersuisuisa partiillu arlalissuit isumaqatigiissutigaat. 30 millionit koruunit missaanniittut kalaallinut Danmarkimi najugalinnut atugarliortunut suliniutissanut immikkoortinneqarput, ilaatigut arnat kalaallit atugarliortutut inissisimasut ornittagaannut Redenip suliniutaanut nukittorsaanissamut.

KFUK-ip isumaginninnermik suliniutaa ornittagaq “Reden” arnanik inuiaqatigiit avataaniingajuttutut inissisimasunik ikiuisasrpoq. SSA-mut isumaqatigiinniarnerni nammasseqqammersuni suliniutissanut ilaavoq, Redenit tallimaasut kalallinik arnanik atugarliortunik ikiorsiisarnerannik nukittorsaanissaq.
Trine Juncher Jørgensen Tusagassiortoq / tusagassiortoq
Saqqummersinneqarpoq

SSA-mut immikkoortitat ukiunut aggersunut (2027-2030) isumaginninnermut, peqqissutsimut suliffeqarnermullu immikkortortanut aningaasaliissutaasut pillugit isumaqatigiinniarnerit sisamanngornermi unnukkut danskit naalakkersuisuinit naammassineqarput.

Katillugit 451,3 milllionit koruuninut suliniutissaqarpoq, taakkunanngalu 28,4 mio. kr. Kalaallinut Danmarkimi najugalinnut atorneqassapput.

Qinikkat atlantikup avannaaneersut alaatsinaattuinnartut peqataapput, kisianni naalakkersuisunut partiinullu isumaqatigiinniartunut paasissutissanik tunioraallutik.

Inuit Ataqatigiit sinnerlugit Folketingimi ilaasortaq Naaja H. Nathanielsen naapertorlugu, innuttaasut kalaallinit kingoqqisut danskit naalakkersuisuinit ajunngisaarfigineqarlutik isiginiarneqartorujussuuppput, Folketingimilu partiit tamarmik tapersersuillutillu tusaaniarput.

Suliniutissanut ilaapput kalaallinut arnanut atugarliortunut sullinitit ilaata Redenit tallimaasut nukittorsarnissaat. Attavissanik pilersitsineq aamma kalaallit innuttaasut atugarliortut kiserliulinnginnissaanut pinaveersaartitsineq. Kalaallit atugarliortut eqqartuussiveqarnikkiut ikiorserneqarneranik annertusaaneq aamma Kalaallit Illuutaasa kalaallinut tikerlaanut suliniutaannik nukittorsaaneq.

Aamma kalaallinik kingoqqisut angerlarimaffeqanngitsut sullinneqarfiat  “Housing First” inunnik aalajangersimasunik sullissinermik immikkut isiginiarneqartussatut qulakkeerneqarpoq.

 

isumaginninneq ssa isumaqatigiissut naaja h. nathanielsen inuiaqatigiit atugarliortut danmarkimi kalaallit

Atorfiit tamaasa takukkit

PODCASTI

Powered by Labrador CMS