Paarmap juullip ulloriaa ikikkaa

Nuna tamakkerlugu allakkerivik Tusass juullimi frimærkinik marlunnik assilialiortup Paarma Olsvig Brandtip aasaq manna sanaavanik juulliaqqamut sapaatit-akunneri arfineq-marluk sioqqullugit saqqummersitsivoq.

Seqineq qutsissoq qanoq ilillutit juullerpalaarpit?

- Paarma arfinilinnik ukiulik eqqarsaatigalugu. Meeraallunga angerlarsimaffitsinni juullimut pinnersaasoqarneq ajorpoq, kisianni qatanngutigiinniat juullimi ulloriaat nivinngarneqartuaannarpoq. Meeraalluta ulloriaq orangiamik qalipaatilik ikikkaangat juullertartoq nalunngilarput, Paarma Olsvig Brandt Sermitsiamut oqaluttuarpoq. Illit ileqquusoq taanna inersimasutut angerlarsimaffinni aamma atulersippiuk?

– Aap, ulloriaq juullimi pinnersaatini uannut pingaarnerpaajuarsinnarpoq. Ukiukkut taartaqaaq, inuilli igalaani ullorissanik ikitsigaangata angakkuakkatullusooq ittarpoq. Decembarimi qaamanerujussuarmik pilersitsisarput, ullorissallu januaarimi peerneqaraangata illoqarfik taarnerulersarpoq.

Juullimut piareersarneq ingerlaannartoq

Paarma Olsvig Brandt, 1990-imi Maniitsumi inunngortoq, Nuummi eqqumiitsuliornermik ilinniarfimmi 2013-imi Århusimilu eqqumiitsuliornermik ilinniarfimmi 2015-19-imi ilinniagaqarsimavoq. Meeqqat atuarfianni atuakkanut assilialiortarsimallunilu Dronning Ingridip Napparsimmavissuani napparsimasunut akunnittarfiup meeqqanut immikkoortortaqarfia pinnersarsimavaa. Juullimut frimærkit marluk taakku tassaapput 2020-mi frimærkinik saqqummersitseqqaarnermi kingorna frimærkit sisamassaat tallimassaallu. Taamanikkut coronamik tuniluuttoqarsimanera pissutaavoq, frimærkimilu tassani inuusaliaq juullimut frimærkinut marlunnut ingerlateqqippaa, ullorissat kissalaartut qaammaqqutaannik ilallugit.

Aasaaneranilu juullimut piareersarneq ingerlaannarpoq.

– Eqqumiitsulianik Nuummi Eqqumiitsulianik Katersugaasivimmi decembarimi juullimut tuniniaanermi saqqummersitassatsinnik suliaqarpunga, Paarma Olsvig Brandt oqaluttuarpoq.