Ittoqqortoormiini
360-it missaanni innuttaqartumi millionilinnik ilaasoqarsinnaasumik
mittarfiliortoqarnissaa innuttaasullu kissaataannik naammassinninneruinnarnani
Kalaallit Nunaata illersorneqarnissaanik isumannaatsuunissaanillu
nukittorsaataanerussasoq Inuit Ataqatigiit sinnerlugit Folketingimut ilaasortaq
Aaja Chemnitz isumaqarpoq.
– Kalaallit Nunaata, Islandip Tuluillu Nunaata akornanni nunap
immikkoortuata avinngarusimanera pissutigalugu 99 procentia illersornissamut
tunngasuuvoq, 1 procentialu sakkutuujunngitsunut tunngasuuvoq. Tunumili
iluaqutaasoraara. Tasiilamili mittarfiliortoqarnissaa piumasarineqartoq
eqqaamasariaqarpoq, tassanimi inuit amerlanerupput, taanna oqarpoq.
Ittoqqortoormiini
360-it missaanni innuttaqartumi millionilinnik ilaasoqarsinnaasumik
mittarfiliortoqarnissaa innuttaasullu kissaataannik naammassinninneruinnarnani
Kalaallit Nunaata illersorneqarnissaanik isumannaatsuunissaanillu
nukittorsaataanerussasoq Inuit Ataqatigiit sinnerlugit Folketingimut ilaasortaq
Aaja Chemnitz isumaqarpoq.
– Kalaallit Nunaata, Islandip Tuluillu Nunaata akornanni nunap
immikkoortuata avinngarusimanera pissutigalugu 99 procentia illersornissamut
tunngasuuvoq, 1 procentialu sakkutuujunngitsunut tunngasuuvoq. Tunumili
iluaqutaasoraara. Tasiilamili mittarfiliortoqarnissaa piumasarineqartoq
eqqaamasariaqarpoq, tassanimi inuit amerlanerupput, taanna oqarpoq.
Umiarsualiviup allilerneqarnissaa
Qaqortumi umiarsualivimmik itisuumik sanaartornermut tunngatillugu suliniut
taanna aamma sakkutuujunngitsunut tunngaannarani illersornissamut tunnganerusoq
Aaja Chemnitz isumaqarpoq.
– Soorunami tamanna najukkami periarfissanik pilersitsivoq, Aaja Chemnitz
oqarpoq, tikkuarpaali nunatsinni sumiiffinni allani, soorlu Sisimiuni,
umiarsualiviit allineqarnissaat pisariaqartoq.
Siunissaq ungasinnerusoq eqqarsaatigalugu pilersaarusiorneq
Tapiissutinik suliniutit piffissap ilaani nunguttussaannanngitsut, aammali
Kalaallit Nunaata imminut napatinnerunissaanut tapersersuilluni siunissaq
ungasinnerusoq eqqarsaatigalugu pilersaarusiorneq eqqarsaatigineqartariaqartut
Aaja Chemnitzip kissaatigaa.
– Taamaammat digitalimik attaveqaasersuutit, attaveqaasersuutit
nunamiittut assigalugit ineriartornissamut pingaaruteqartut,
sammineqarnerunissaat amigaatigaara. Aamma aningaasanik amerlanerusunik qanoq
isertitsisinnaanitta aningaasanillu qanoq annertunerulersissinnaanitta
sammineqarnissaa amigaatigaara. Danskit ajunngitsuliorusuttut maannakkut
takusinnaavagut, kisianni aningaasaqarnerup nukittunerulersinnissaa siunissarlu ungasinnerusoq eqqarsaatigalugu
tapiissutinik pinngitsoorsinnaanngilluinnarnermik pilersitsinnginnissaq
politikeritut akisussaaffigaarput, Aaja Chemnitz oqarpoq, taassumali ataatsimut
isigalugu Kalaallit Nunaannut aningaasanik amerlanerusunik
immikkoortitsisoqarnera naammagisimaarpaa.
– Peqqinnissaqarfimmut ukiumut 140 millionit koruunit
immikkoortinneqartarnerat ajunngeqaaq, aammali peqqinnissaqarfik
pisariaqartitavut matussusersinnaajumallugit minnerpaamik ukiumut 1 milliardit
koruuninik amigaateqartoq eqqaamasariaqarparput.
Piffissalerneqarnera maluginiarnartoq
Aaja Chemnitz naapertorlugu tamakku tamarmik imminnut qanoq
attuumassuteqarnersut aamma sooq suliassaqarfiit suliniutillu ilaat
aningaasanik tunineqartut allat tunineqannginnerat paasiuminaatsinneqarpoq.
– Tamakku tamarmik ataqatigiinnissaannut pilersaarusiaq amigaatigaara.
Kina tunissutisinerpaanersoq nalaatsornerinnaarpasippoq. Tamatuma saniatigut
aamma piffissaliineq maluginiarnarpoq. Sapaatip-akunnerata tulliani
ministeriunerup spiralilersuisimaneq pillugu utoqqatserniarluni Kalaallit
Nunaannukarnissaata tungaanut mipaallisaatitut misinnarpoq.
