Aalisartoq piniartoq ajunaartoq

Aalisartoq piniartoq 46-nik ukiulik Ikerasammi ajunaartoq politiit nalunaarput.

Assiliisoq: Leiff Josefsen

Thomas Munk Veirum Thomas Munk Veirum Tusagassiortoq

Saqqummersinneqarpoq 5. Februaari 2025 - 08:29

Ussassaarut

Aalisartoq piniartoq ipilluni ajunaarsimasoq politiit Sermitsiamut pingasunngornermi ullaakkut ilisimatitsipput.

Ajunaartoq angutaavoq 46-nik ukiulik, taannalu Uummannap eqqaani nunaqarfiup Ikerasaap eqqaani ajunaarsimavoq.

Angut sikup ataani nassaarineqarpoq, pisataalu ungasinngisaani nassaarineqartut pigaartut pisortaat Poul Kreutzmann oqarpoq.

Angut uummarsarneqarpoq ajoraluartumilli iluatsinngitsumik.

Politiit marlunngornermi unnukkut nal. 18.56 nalunaarfigineqarput, pigaartullu pisortaat oqarpoq angutip ilaqutai kalerrinneqarsimasut.

samfund uummannaq inuiaqatigiit ikerasak fisker og fanger drukneulykke poul kreutzmann

Atorfiit tamaasa takukkit