Aallaasersortoqarlunilu sumiiffiinnut arlalinnut tillinniartoqartoq

Paamiuni nakuusertoqartoq marlunngornerup unnuaani nalunaarutigineqarpoq, politiillu pisoq maanna misissuiffigaat.

Pigaartut pisortaata Aqqalu Petersenip Sermitsiamut pisoq oqaluttuaraa.

Angut 30-t missaannik ukiulik Paamiuni najukkami nakuuserfigineqartoq pillugu nal. 01.50 nalunaaruteqartoqarpoq.

Politiit suli tigusaqarsimanngillat.

Sisimiuni Kussangasumi unnuaq aamma aallaasersortoqarpoq. Aallaasersortoqarnera qaangiutereerpoq politiillu tigusarinnillutik. Politiilli suli piffimmiipput pisumut misissuillutik. Pisimasumut takunnissimasut Sisimiuni Politiinut attaveqarfigeqqullugit. Innuttaasut sumiiffimmi angalaqqilereersinnaapput.

Pisiniarfinni tillinniarnerit

Nuummi tillinniarnerit pingasut unnuaq aamma nalunaarutigineqarput.

Tillinniarnerit pingasut taakku tamarmik pisiniarfinni pisimapput, politiillu pisiniarfiutilinnik sunik tillittoqarneranik paasissutissinneqarnissartik utaqqivaat.

Tammaaneqartoq suli nassaarineqanngitsoq

Politiit 19-inik ukiulik Brian Adolfsenimik Kujataani aamma ujaaraat.

Ujaarineqartoq suli nassaarineqanngitsoq pigaartut pisortaat oqarpoq.

Angut inuusuttoq taanna juulip 24-ani sisamanngornerup unnuaaniili tammaaneqalerpoq. Qaqortumi Majavejip eqqaani angerlarsimaffimminit nalunaaqutaq 00.30 missaani anigami.

Oqartussat namminnerlu kajumissutsiminnik ujaaseqataasut sisamanngormalli ujaraat.