Aasiaat: Sømandshjemmi ukiuni 50-ini nalliuttorsiorpoq
Arfininngorneq Sømandshjem Aasianni nalliuttorsiorpoq 50-nngortorsiorluni naalagiarnermik kaffemillu nerersuaqatigiinnermik unnukkullu.
Aasianni Sømandshjemmi arfininngormat ukiunik 50-inngortorsiorluni nalliuttorsiorpoq. Tamanna illoqarfimmiunut kaffillernermik ilaatigut malunnartinneqarpoq.
Assiliisoq: Sømandsmissionen
Ukiut 50-inngortorsiorluni nalliuttorsiorneq Kalaallit Nunaanni biskoppi naalagiartitsisoralugu naalagiarnermik aallartippoq. Tamatuma kingorna ajoqersuiartortitap Karsten Hald Jakobsenip eqqaassutissaanut kransiliisoqarpoq, Sømandsmission paasissutissiivoq.
Sømandshjemmi innuttaasunut kaffillerpoq ornigarluarneqartumik, tassanilu illoqarfimmi erinarsoqatigiit erinarsorput.
Sømandshjemmimut nalliuttorsiorfik naalagiarnermik.
Assiliisoq: Sømandsmissionen
Nalliuttorsiornermut sassaalliutit
Ulloq naggaserlugu unnukkut nereqatigiinnermi suleqatit Sømandsmissionillu siulersuisuunerini aqutsisuilu peqataapput.
- Kaffillernermi qaasut ilagaat angut ukiut 50-it matuma siorna atoqqaarfissiortitsinermi peqataasimasoq, taamani aqqaneq-marluinnarnik ukioqartoq, Sømandsmissionen tusagassiuutinut nalunaarummi allappoq.