USA-P KALAALLILLU NUNAATA SULEQATIGIINNERAT
Amerikami naalakkersuisut sinnissaat nuimasoq tikeraartoq
USA-p aningaasaqarnikkut avammut attaveqaataasa nuimanersaat, nukissiuuteqarnermut avatangiisinullu tunngasunik suliaqarnermi qullersaasoq, Amerikamiut nunanut allanut ministereqarfianni aningaasaqarnikkut siunnersortaasoq kiisalu Amerikamiut nunanut allanut ministeriata, Antony Blinkenip, nunarsuarmi aningaasaqarnermut politikki pillugu siunnersortaa, Jose W. Fernandez, Kalaallit Nunaannut tikeraarpoq.
Assiliisoq: U.S. Department of State
Kalaallit Nunaata aamma USA-p akornanni suleqatigiinneq maannakkutut annertutigisimanngisaannarunarpoq, Pituffimmi Space Base-mi amerikamiut najuunnerat 2021-imi erseqqissumik paaseqatigiissutigineqareernerata kingorna.
Nunat taakku akornanni attaveqarneq 2004-imi Igalikumi isumaqatigiissut atsiorneqareernerata kingorna suleqatigiinneq annerusumik minnerusumilluunniit uninngatinneqareersorlu, maanna nunat suleqatigiinnissamik isumaqatigiissuteqarlutik piviusunngortinniarlugit ulappupput.
USA-mi januaarimi 2025-imi aqutsineq allanngortussaavoq, Donald Trump præsidentinngortinneqarpat, tamannali uniffiginagu Biden/Harris-ip naalakkersuinikkut aqutsineranni, maanna naggataasersortumi, ingerlatiinnarneqarpoq.
Aningaasaqarnikkut ineriartorneq, nukissiuutit avatangiisillu pillugit ataqatigiissaarisoq, Jose
W. Fernandez, Nuummiippoq, tassanilu Namminersorlutik Oqartussat qullersaanik, namminersorlutik suliffeqarfiit sinniisaannik
ilinniarfinnik ilisimatusarfinnillu ataatsimeeqateqassaaq, Kalaallit Nunaata aatsitassarsiornermi periarfissanik aningaasaliinissamullu periarfissat pillugit oqaloqatiginninniarluni.
Minerals Security Partnership
MSP-mik suleqatigiinneq EU-p aatsitassat pingaarutillit aammalu aatsitassat qaqutigoortut pillugit imalimmik marsi 2023-mi akuersissutigisaanik tunngaveqarpoq, tamatumalu CRM-inik pilersuinerup aqqutai assigiinngisitaartuunissaat piujuartitsinissamullu pisariaqartitsinerup pingaaruteqarneranik naqissusiivoq, soorlu CRM-klubbi assigalugu nunat tamalaat akornanni suleqatigiinnerit nutaat imminnut tapersersuisut aqqutigalugit.
MSP maanna nunanik 15-inik peqataaffigineqarpoq, taakkulu MSP Forumimi ilaasortatut nammineerlutik ilaasortaapput (Australien, Canada, Estland, Finland, Frankrig, Tyskland, Indien, Italien, Japan, Norge, Republikken Korea, Sverige, Storbritannien, USA aamma EU) kiisalu tamatuma saniatigut nunanik 15-inik nutaanik MSP-forumimi ilaasortaatitaqarpoq (Argentina, Ecuador, Den Demokratiske Republik Congo, Den Dominikanske Republik, Kalaallit Nunaat, Kasakhstan, Mexico, Namibia, Peru, Filippinerne, Serbien, Türkiye, Ukraine, Usbekistan aamma Zambia).
CRM-it EU-p immikkoortuini pingaarutilinni soorlu mingutsitsinikitsumik nukissiuuteqarnermi , digitalini, avataarsuanilu atortulersuinermi illersornissamullu pisariaqartinneqartuni teknologiinut assigiinngitsorpassuarnut pingaaruteqarluinnarput.
Taamatut pingaarutilinnik atortussiassanik pisariaqartitsineq qaffariartuinnartillugu, CRM-inik pilersuineq nunarsuarmioqatigiinni politikkikkut, avatangiisinut inuiaqatigiinnullu navianartorsiortitsinerup unammilligassallu annertusiartuinnarnerannik unammillerneqarpoq, tamannalu CRM-inik pilersuinerup aqqutai qulakkeerniarlugit assigiinngisitaartuunissaallu qulakkeerniarlugit nunat tamalaat akornanni suleqatigisat assigiimmik eqqarsartartut akornanni suleqatigiinnerup annertusisariaqarneranik naqissusiivoq.
Minerals Security Partnership (MSP)
Taamaattorli Kalaallit Nunaat/USA suleqatigiinnerat kisimi sammineqassanngilaq.
Fernandezip tikeraarnerani ilanngullugu kalaallit pisortat suleqatigalugit ataatsimiinnerit ingerlanneqassapput, aatsitassanik pingaarutilinnik pilersuinermi
suliniutit assigiinngisitaartuunissaat oqaluuserineqassallutik, Minerals Security Partnership (MSP) pillugu siuariarnerit kingulliit oqaluuserineqassapput, kiisalu USA-p Kalaallit Nunaatalu akornanni ilisimatusarnikkut aningaasaqarnikkullu suleqatigiinnerup annertusarnissaa periarfissallu oqaluuserineqassallutik.
Fernandezip aamma nunat suleqatigiissut aatsitassarsiorneq pillugu suleqatigiiffianni MSP-mi ataatsimeeqatigiinnermi aqutsissaaq, MSP-mi ilaasortat peqataasullu, Minerals Investment Network for Vital Energy
Security and Transition (MINVEST), amerikamiut nunanut allanut tunngasunut ministeriaqarfiata aamma energisikkerheds-NGO-p SAFEs Center for
Kritiske Mineraler Strategi suleqatigalugu, tamatumani peqataassapput.
Peqataasut Kalaallit Nunaata aatsitassarsiornermut immikkoortortaani periarfissat oqaluuserissavaat tassanilu nunatsinni inuussutissarsiuteqartut niuernikkut periarfissat pillugit saqqummiussissallutik.
Kalaallit Nunaata ilaasortaanera tunngavigalugu periarfissaalerpoq Nunarput MSP
Forumimi ilaasortanngornerata kingorna, suleqatigiinneq MSP-illu nunat aatsitassarsiorfiusut akornanni,
naapertuuttumik aatsitassarsiornermut suliniutit siuarsarlugit pingaarutilimmillu politikkikkut apeqqutit oqaluuseralugit,
naapertuuttumik aatsitassarsiornermut pilersuinermut sunniuteqartussat tassani pineqassallutik.
Fernandez-ip aamma kalaallit
ilisimatusarnermik immikkut ilisimasallit naapissavai sumiiffimmi ilisimatusarnermik ingerlatsiviit
silap allanngoriartornerata Kalaallit Nunaannut sunniutaat oqaluuseralugit aammalu ilisimatusarnermik suleqatigiinnissamut periarfissat ilanngullugit oqaluuserineqasssallutik.
