Iluliarsuit portussusaannik misissuinissamut, mittarfik nutaaq piareersartoq

Ilulissani mittarfimmi nutaami isumannaallisaanerani iluliarsuit aamma eqqarsaatigineqartarput. Iluliarsuit timmisartunut akornutaanissaat qaqutigoortuuvoq, pisariaqartinneqaraangalli mittarfimmi uuttortaatit periutsit piareersimatinneqartarput.

Ilulissani sikuungaatsiarsinnaasarpoq, tamannalu mittarfimmi nutaami aamma eqqarsaatigineqartariaqarpoq.

Assi: Hans Meineche/Biofoto/Ritzau Scanpix

Morten Okkels Morten Okkels Tusagassiortoq

Saqqummersinneqarpoq 28. Oktobari 2026 - 07:49

Ilulissat ilulissanut attuumassuteqarluinnarpoq. Iluliarpassuit illoqarfiup aqqanut, oqaluttuarisaaneranut takornariarpassuarnullu tunngaviupput. Mittarfik nutaaq sisamanngornermi oktobarip 29-ani ammarneqarpat, illoqarfimmut tikinnissaq ajornannginnerulissaaq.

Iluliarsuit aamma timmisartoqarfinni isumannaallisaanermut tunngasunut ilanngunneqarput. MIttarfik pilersaarusiorneqarneranniilli angallannermut aqutsisoqarfiup iluliarsuit nakkutigineqarnissaat immikkut ittumik iliuuseqarfigineqartarnissaallu piumasaqaatigai.

Ussassaarut

– Kangerlummi iluliaqarpat akornutaasunik, immikkut isumannaallisaanikkut iliuuseqartoqassaaq, aqutsisoqarfimmi allaffimmi pisortaq Doris Tranbjerg Jørgensen oqarpoq.

Mittarfiit eqqaanniittut ilaat, soorlu iluliarsuit, qanoq portutigisinnaanersut akornutaasinnaaneri aalajangersarneqartarput.

Doris Tranbjerg Jørgensen Danmarkimi angallannermut aqutsisoqarfimmi allaffimmi pisortaavoq. Danmarkimi oqartussaasut aamma Kalaallit Nunaanni mittarfiit nakkutigisarpaat.

– Ilulissani iluliarsuit amerlasuut timmisartuussinermut akornutaasinnaanngillat, nalinginnaasumik taakku imaaniimmata, timmisartut mittarfimmut isumannaatsumik missinnaaqqullugit ajoqutaasinnaanngillat, Doris Tranbjerg Jørgensen oqarpoq.

Iluliarsuarli portusooq mittarfimmut nutaamut 2200 meterisut takitigisumut pissutsinut eqqarsaatigeqqissaarneqartariaqarpoq.

Ussassaarut

Taamaattumik Ilulissat mittarfiata eqqaani pisariaqartillugu portussusaanik misissuiffigineqarsinnaavoq.

– Greenland Airports tamanna tunngavigalugu iluliarsuit nakkutiginissaannut periutsimik pilersitsivoq, pisariaqarpallu teodolitimik taaneqartartoq atorlugu qutsissutsimik eqqortumik uuttortaasoqartassaaq, taanna ilaatigut qutsissutsinik uuttortaanermut atorneqartarpoq, Doris Tranbjerg Jørgensen oqaluttuarpoq.

- Taamaaliornikkut mittarfimmi sulisut nalilersinnaavaat iluliarsuit timmisartuussinernik allannguisariaqarnermik akornutaassanersut, oqarpoq

Aammattaaq angallannermut aqutsisoqarfik ilisimatitsivoq mittarfiup nutaap akuerineqannginnerani iluliarsuit nakkutigineqarnissaat isumannaallisaanermullu tunngasut misissorneqassasut.

Ilaatigut nakkutilliisoqarfiup timmisartoqarfiit iluliarsuarnik portusuunik nalaassisinnaanerannik taakkunanngalu ulorianartorsiortitsisinnaasunik misissuisarnissaat qulakkeertarpaat.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.