Præsidentip Trumpip
januaarimi ivertinneqarnerata kingorna Kalaallit Nunaata USA-llu
akornanni pissutsit allanngorsimaqaat. Pissutsilli ilaat suli
taamaapput.
Amerikamiut
timmisartui Hercules sisoraatinik atortulerlutik maanna
ukiorpassuanngortuni aasaanerani sermersuarmi sungiusarnerminni
Kangerlussuup mittarfianik atuisarnerat.
Præsidentip Trumpip
januaarimi ivertinneqarnerata kingorna Kalaallit Nunaata USA-llu
akornanni pissutsit allanngorsimaqaat. Pissutsilli ilaat suli
taamaapput.
Amerikamiut
timmisartui Hercules sisoraatinik atortulerlutik maanna
ukiorpassuanngortuni aasaanerani sermersuarmi sungiusarnerminni
Kangerlussuup mittarfianik atuisarnerat.
Timmisartut
taakku USA-mi sakkutuut illersornissamut sakkutuuini New York Air
National Guardip timmisartortartuisa immikkoortortaqarfiannit 109th
Airlift Wingimeersuupput - Danmarkimi sakkutuut timmisartortartuisut
atuuffillit.
109th
Kalaallit Nunaata sermersuani suliniummut National Science
Foundationimik – Amerikamiut ilisimatusarnermut aningaasaateqarfiat
– tapiiffigineqartarnissamik isumaqatigiissuteqarpoq. Tapiissutit
sulisut angallanneqarnerannut, atortut pisariaqartitallu
assartorneqarnerannut atorneqartarput.
Amerikamiut
timmisartui apriilip aallartinnerani Kangerlussuarmut tikipput,
aggustillu naanerani amerikamiut sakkutooqarfigisimasaannit
aallaqqillutik.
Nassiussat,
ikummatissaq ilaasullu
LC-130 Hercules 109th Airlift Wingimeersut Sermersuarmi Summit Stationimi usingiartoq.
Assi: Jocelyn Tuller
Timmisartut Herculesit aasaq
manna nalunaaquttap akunneri 360-it sinnerlugit timmisimapput,
nassiussanik 450.000 kilonik, ikummatissamik 300.000 literinik
ilaasunillu 630-nik angallassisimallutik.
- Taamaaliorneq
pilersuisoqartuarnissaanik sulisussaqarnikkullu qulakkeerinnippoq,
taamaalillunilu nunarsuarmi avatangiisit peqqarniinnerpaat ilaanni
misissuisoqarsinnaallunilu suliaqartoqarsinnaalluni, 109th Airlift
Wingimi pisortaq oberst Steven Slosek oqarpoq.
-
109th-ip ukioq manna Kalaallit Nunaanni suliassaminik
naammassinninnera timmisartortartut ikiortillu allaat pissutsini
peqqarniinnerpaani tunniusimalluinnarnerannik immikkut
piginnaaneqarnerannillu
uppernarsaataavoq, oberst oqarpoq. Amerikamiut sakkutuui
timmisartortartut Sikuiuitsup kujalliup tungaanut ingerlaqqilersut
ilanngullugu oqaatigaa. Tassani Amerikamiut ilisimatusarfiinut
pilersuiniarlutik sulisunillu angallassissallutik.
Sikuiuitsumi kujallermi
oktobarimiit 2026-mi februaarip tungaanut sullissisoqassaaq.
Timmisartut
LC-130 Herculesit, Airlift Wing 109-mi atorneqartartut, nunarsuarmi
timmisartuni sisoraatinik atortulinni apummut sikumullu missinnaasuni
anginersaapput.
