KL

DK

KUJALLEQ KILLILIIVOQ

Borgmesteri imigassamik matusisariaqarsimaneq pillugu Qaqortormiunut nassuiaallunilu isumaanik tusarniaasoq 

Kommune Kujallermi imigassaq aalakoornartortalik qaammatip aappassaani matoqqatinneqarpoq. Imigassap ammaqqikkiartuaarnissaanut tusarniaaneq novembarip aqqarnanut killilerneqarnikuusoq qaangiussimalerpoq, borgmesterillu Malene Vahl Rasmussenip (D) Qaqortumi innuttaasut tusarniaaffiup ulluani kingullermi innuttaasunut nassuiaallunilu isumasiuivoq.          

Kommune Kujallermi borgmesteri Malene Vahl Rasmussen sooq imigassamik matusisariaqalersimaneq pillugu innuttaasunut Qaqortup katersortarfiani nassuiaavoq.
Arnaq Nielsen Arnaq Nielsen tusagassiortoq
Saqqummersinneqarpoq

Qaqortumi innuttaasorpaaluit pingasunngornermi soraarfiup nalaani katersortarfimmukaapput.

Kommune Kujalliup borgmesteria, Malene Vahl Rasmussen, aamma imigassap matuneqarnissaanik oktobarip aappaani aalajangiisoq sooq taama aalajangertariaqarsimaneq pillugu nassuiaaniarpoq, innuttaasullu isumasiorlugit. 

Qaqortumi innuttaasorpaaluit pingasunngornermi soraarfiup nalaani katersortarfimmukaapput.

Kommune Kujalliup borgmesteria, Malene Vahl Rasmussen, aamma imigassap matuneqarnissaanik oktobarip aappaani aalajangiisoq sooq taama aalajangertariaqarsimaneq pillugu nassuiaaniarpoq, innuttaasullu isumasiorlugit. 

Imigassap qaammatip aappassaani matoqqatinneqarnera innuttaasut assigiinngitsunik isummersorfigigaat, Qaqortumi innuttaasut ilaat Poul Hans Hard, aamma borgmesterip aggersaanerani najuuttoq oqaluttuarpoq. 

- Soorunami arlalippaalussuarnik imigassat kimillit aalakoornartunik akullit tassanngaannaq matunerat akerlinerneqaraluartoq tamaginni amerlanerulluartunik akuersaarneqartutut ippoq, taanna oqarpoq. 

Ammaaqqinnissaq aalajangiiffigineqangajalersoq 

Imigassap ammaqqikkiartuaarneqarnissaa Kommune Kujallermi kommunalbestyrelsip novembarip 18-iani aalajangiiffigissavaa. Taanna pitinnagu oqartussat assigiinngitsut, Allorfik, pisiniarfiit, unnuisarfiit, imigassamik sassaalliinissamut akuersissutaatillit, nunaqarfimmi aqutsisut, innuttaasut allallu tusarniarneqarput. 

Tusarniaaneq oktobarip 28-ani aallartippoq, pingasunngornermilu novembarip aqqarnani naalluni. 

Imigassap matuneqapiloornera assigiinngitsunik qisuariarfigineqarpoq. Matoqqatitsinermi assigiinngitsutigut ajunngitsumik sunniuteqartoq borgmesterip Sermitsiamut siusinnerusukkut oqaatigisareerpaa. 

- Sullissisut annertoorujussuarmik malugivaat innuttaasut eqqissisimasut. Taava suliat ammasut amerlasoorujussuit suliarinissaanut piffissaniffigeqattaarlugit. Kommunimiinnaanngitsoq, aamma peqqinnissaqarfinni politiinilu, Malene Vahl Rasmussen oktobarip 22-ani taama oqarpoq.

Naak borgmesterip matusinermi pitsaaqutit isiginiaraluarai imerniartarfiutillit matoqqatitsinerup nalaani kommunimit Namminersorlutillu Oqartussanit ikiorsiissutinik pissarsissanerlutik suli maannamut nalunaarfigineqanngillat. Tamannalu Qaqortumi imerniartarfiutillip Jim Riisip sakkortuumik isornartorsiorpaa. 

Imigassamilli matoqqatitsineq illoqarfimmi malugineqarluarsinnaasoq Poul Hans Hard Sermitsiamut oqaluttuarpoq. 

- Illoqarfitsinni eqqissinerujussuaq piulerpormi ukiorpassuarni ulluinnarsiutit qaangertutut illugit.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

imigassaq tusarniaaneq inuiaqatigiit malene vahl rasmussen qaqortoq kommune kujalleq

Atorfiit tamaasa takukkit

PODCASTI

Powered by Labrador CMS