KL

DK

Angajoqqaat meeqqami inuit nittartakkakkut attaveqatigiittarfiinik atuinerat  nakkutigerusunngilaat

 Angajoqqaat inuit nittartakkakkut attaveqaqatigiittarfiini angajoqqaatut nakkutilliinnginnissartik toqqartaraat, misissuinerup nutaap takutippaa.

Ritzau
Offentliggjort

Angajoqqaat meeqqami inuit nittartakkakkut attaveqaqatigiittarfiini atuinerat nakkutigerusunngilaat. Tamanna Digital Ansvarip misissuinerata kingulliup takutippaa.

Angajoqqaat qallunaat 15%-iisa meeqqami atuinerat nakkutigaat. Angajoqqaalli 75%-iisa nakkutilliinissamut sakkussat ilisimaarivaat. Epinionip misissuinerata tamanna takutippaa.

Digital Ansvar naapertorlugu misissuinerup takutippaa angajoqqaat meeqqaminnik nakkutilliinerat qallunaat meeqqanik perorsaariaasiannut naapertuutinngitsoq.

- Tamatuma takutippaa qallunaat angajoqqaat angajoqqaat nakkutilliissutaat atortanngikkaat, tassami tatiginninnissaq oqaloqatigiinnerlu perorsaanermi pingaarnerutikkamikku, Digital Ansvarimi pisortaq Ask Hesby Holm oqarpoq.

Kathrine Elmose Jørgensen, Børns Vilkårimi tusagassiuutinik digitaliusunik immikkut ilisimasalik, naapertorlugu angajoqqaat meeqqaminnik nakkutilliinissamut atugaqannginnerat pitsaasuuvoq.

- Isumaqanngilagut angajoqqaat nakkutilliinerat meeqqanik sapiissuseqalersitsisartoq angajoqqaallu nittartakkani attaveqaqatigiittarfinni suut ajunngitsuunersut ajortuunersut pillugit oqaloqateqarnissaannut toqqissisimalersitsisartoq.

Både Digitalt Ansvar og Børns Vilkår mener, at forældrekontrol er techvirksomhedernes forsøg på at lægge ansvaret over på forældrene.

Digital Ansvar aamma Børns Vilkår isumaqarput angajoqqaat nakkutilliinerat teknologiimik suliffeqarfiit akisussaaffimmik angajoqqaanut tunniussinerattut ittoq.

- Internetimi quppernerit meeqqanut naleqquttuunissaat qulakkeertariaqarpaat, Kathrine Elmose Jørgensen Børns Vilkårimeersoq oqarpoq.

Angajoqqaat apersorneqartut 78 procentii oqarsimapput internetikkut attaveqaqatigiittarfinni ajornartorsiuteqaraangamik qitornatik oqaluttuuttarlugit.

Kathrine Elmose Jørgensen naapertorlugu meeqqat akisussaaffimmik tuninissaat pingaaruteqarpoq.

- Meeqqat nuanninngitsumik misigisaqarunik ikiortissarsiortarnissaannik oqarnissaq ajornanngitsuaraavoq, Elmose Jørgensen oqarpoq.

Isumaqarpoq angajoqqaat akisussaaffeqartariaqartut, ilaatigut meeqqatik ilinniartillugit nittartakkatigut niuernermi periutsit suut tunngavigineqartarnersut.

Digital Ansvarimi pisortaq Ask Hesby Holm naapertorlugu meeqqat inuit nittartakkakkut attaveqaqatigiittarfiini isumannaatsumik ilinniarneqarsimanatik atuisunissaat ajornartorsiutaasinnaasoq.

Taamaattumillu navianartorsiornerusinnaasut.

YouTube, Instagram Snapchatilu nittartakkanut attaveqaqatigiittarfiit ilagaat angajoqqaat meeqqaminnik nakkutilliinissaannut iluaqutaasunik iluseqartut.

/ritzau/

society inuiaqatigiit

ATORFIIT Se alle jobs

JOB – Se alle jobs

Powered by Labrador CMS