KL

DK

Sermitsiaq isumaqarpoq

Naalakkersuisoqatigiit ikilinerat ajornartorsiutaasariaqanngilaq

Naalakkersuisut siulittaasuat Jens-Frederik Nielsen (D) aammalu naalakkersuisoq Múte B. Egede (IA), nunanut allanut, inuussutissarsiornermut aammalu aatsitassanut naalakkersuisoq, USA-mit angerlareerlutik, tassani illersornissamut isumaqatigiissut isumaqatigiissutigineqarmat. Maanna taakku partiivisa marluk naalakkersuisooqatigiinneq ataatsimut ingerlatsivaat.
Trine Juncher Jørgensen TUSAGASSIORTOQ / TUSAGASSIORTOQ
Saqqummersinneqarpoq

Naalakkersuisoqatigiinneq siammasissoq millivoq.

Siumut suleqatigiinnermit  marsimi peqataajunnaarpoq, kingullertullu Atassutip Demokraatinik Inuit Ataqatigiinnillu naalakkersuisooqatigiinniikkunnaarnisartik toqqarpaat. Taamaallilluni partiit sisamat naalakkersuisooqatigiinnerat 2025-mi isumaqatigiissutigineqartoq partiinit marluinnarnit ingerlanneqalerpoq.

Naalakkersuisoqatigiinneq siammasissoq millivoq.

Siumut suleqatigiinnermit  marsimi peqataajunnaarpoq, kingullertullu Atassutip Demokraatinik Inuit Ataqatigiinnillu naalakkersuisooqatigiinniikkunnaarnisartik toqqarpaat. Taamaallilluni partiit sisamat naalakkersuisooqatigiinnerat 2025-mi isumaqatigiissutigineqartoq partiinit marluinnarnit ingerlanneqalerpoq.

Sooq naalakkersuisooqatigiit siammasissut 2025-mi pilersinneqarnersut eqqaamaneqartariaqarpoq. Naalakkersuisooqatigiit isumaqatigiissutaanni titarnerit siulliit taamani ima oqaasertaqarput:

Nunarput ataatsimoorfigaarput . Inuiattut kulturikkullu immikkuullarissusitta ataatsimoorfiginissaa aatsaat taama pisariaqartigilerpoq.

Amerikamiut sioorasaarineri suliamut ataatsimoorussiffiulluni partiinik katersuuffiuvoq, aamma Kalaallit Nunaat naalakkersuinikkut nipimik ersarissumik avammut oqaaseqarsinnaasumik pisariaqartitsivoq.

Maanna USA-mik isumaqatigiissuteqarneq inissereermat nunat tamalaat akornanni ajornartorsiorneq initujunnaarpoq. Akerlianillu nunami namminermi unammillernartut oqallinnermi inittorlutillu naalakkersuinikkut assigiinngissutsit ersarinnerulerput.

Naalakkersuisut Inatsisartuni inissanit 31-usunit 18-inik ilaasortaatitaqarlutik suli amerlanerussuteqarput. Tamatuma saniatigut attaviitsup Kim Kielsenip naalakkersuisut suli tapersersorpai. Taaamatuttaarlu IA Demokraatillu ataannarsinnaanersut innuttaasunullu pitsaanerpaamik angusaqarniarnerminnik ukkassiinnarsinnaanersut piffissap aggersup takutikkumaarpaa.

Naalakkersuisoqatigiit ikilinerat akornutaasariaqanngilaq. Partiilli isumaqatigiinniarnissaannut ajornannginnerulersitsisinnaavoq.

Atassutip aninerani KNQK-mut suliaq kisimi pineqarunanngilaq. Atassut partiinik annernik suleqateqarnermi piffissami sivitsortumi naalakkersuinikkut sunniiniarnermini ajornakusoortitsivoq.

Taamaammat naalakkersuisut siulittaasuannut Jens Frederik Nielsenimut illuatungiliuttunik suleqateqarnerup aallartilluarnissaa aamma pineqarpoq. Tassunga tunngatillugu partiit taakku sisamat Demokraatit, Inuit Ataqatigiit, Atassut aamma Siumut aningaasaqarnermut inatsimmik isumaqatigiissuteqarnerat pitsaasuuvoq. Taamaalillutik partiit tamakkerlutik, Naleraq minillugu, aappagumut missingersuutit tapersersorpaat.

Naalakkersuinikkut assigiinngissutsit ersarinneruleqqinnerat immini ajornartorsiutaanngilaq. Akerlianik partiit isumaqataaffiginngisaminnik ersersitsisarnerat aaqqiissutissanillu assigiinngitsunik sorsuuteqartarnerat tamat oqartussaaqataanerannut peqqinnartuuvoq.

Inuiaqatigiilli naalakkersuinikkut ersersitsinernit annertunerusunik atorfissaqartitsipput. Angusat pisariaqartinneqarput. Taamaaliortoqassappallu partiit suleqatigiittariaqarlutillu isumaqatigiissinnaasariaqarput.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

demokraatit atassut siumut inuiaqatigiit placed inuit ataqatigiit naalakkersuisoqatigiit

Atorfiit tamaasa takukkit

PODCASTI

Powered by Labrador CMS