Angut meeqqallu marluk Kujataani maqaasineqartut

Angut meeqqallu marluk maqaasineqartut Kalaallit Nunaanni Politiit marlunngornermi ujaarilissavaat.

Inuit pingasut taakku ataasinngornermi unnukkut maqaasineqartutut nalunaarutigineqarput, Qaqortup avannaata kitaani nunaqarfimmut Qassimiunut apuutinngitsooramik.

Maqaasineqartut umiatsiaaqqamik ammasumik Narsamiit ataasinngornermi aallarsimasut, pigaartut pisortaat Carl Sværd Sermitsiamut oqaluttuarpoq.

- Innuttaasut namminneq ujaaserusuttut ujaasisimapput, ujaarineqartulli nassaarineqarsimanatik. Sumiiffimmi maanna pujortorujussuuvoq, Carl Sværd oqarpoq.

Ujaasinerup aallartinnissaanut oqartussat maanna pujuersiipput.