KL

DK

Naalakkersuisoqatigiit attaviitsorlu B. Egedemut tatiginnikkunnaarnermik taasititsineq pinngitsoortikkaat

Demokraatit Inuit Ataqatigiit, Atassut attaviitsullu ataatsip nunanut allanut naalakkersuisumut Múte B. Egedemut tatiginnikkunnaarnermik taasititsinissaq pinngitsoortippaat. Naleraq ullup qeqqa sioqqullugu tatiginnikkunnaarnermik taasititsinissamik siunnersuuteqarpoq.

Naleraq naalakkersuisumik tatiginnikkunnaarnermik taasisitsinissamik siunnersuuteqareersorlu Naalakkersuisooqatigiit attaviitsoq peqatigalugu Nunanut allanut, Inuussutissarsiornermut, Aatsitassanullu Naalakkersuisoq Múte B. Egedemut (IA) tatiginnikkunnaarnermik taasisitsinissaq pinngitsoortippaat.
Sort-hvidt portræt af en kvinde med mørkt hår iført en mørk bluse foran en lys baggrund.
Ane-Marie Petersen Ane-Marie Petersen Tusagassiortoq
KASSAALUK KRISTENSEN Digitalimik aaqqissuisoq
Saqqummersinneqarpoq

Naleqqap nunanut allanut, inuussutissarsiornermut aatsitassanullu naalakkersuisumut Múte Bourup Egedemut (IA) tatiginnikkunnaarneranik taasisoqarnissaa pinngitsoortinniarlugu Pipaluk Olsenip Demokraatit, Inuit Ataqatigiit, Atassut attaviitsorlu ataaseq sinnerlugit siunnersuutigaa.

Partiit attaviitsullu naalakkersuisumik tatiginninnertik suli ersersikkaat taamaammallu Naleqqap tatiginnikkunnaarnissamik siunnersuutaa tapersersunngikkaat Pipaluk Olsenip ilisimatitsissutigaa.

Múte Bourup Egede Kalaallit Nunaata, Danmarkip USA-llu illersornissamut isumaqatigiissutaannut tunngatillugu isumaqatigiinnginneq pissutigalugu tunuassasoq Naleqqap piumasaraa.

Politiinut nalunaarut nipangiussisussaanerlu

Inatsisartuni ullaaq manna pisoqarfiungaarpoq, tassani USA-p, Danmarkip Kalaallit Nunaatalu isumaqatigiissutaat aappassaaneerneqarpoq.

Oqallinneq marloriarluni unitsinneqarpoq, tassanittaarlu Naleraq nipangiussisussaanermik unioqqutitsisimasutut Inatsisartut siulittaasoqarfiata politiinut unnerluutigissallugu aalajangeraa ilisimatitsissutigineqarpoq. Nunanut allanut tunngasunut naalakkersuisoq Múte B. Egede naapertorlugu USA-p Kalaallit Nunaanni sakkutooqarnissamut akiliuteqartarsimanera pillugu paasissutissat isertuunneqartut allassimasut nunanut allanut sillimaniarnermullu ataatsimiititaliamut ingerlateqqinneqarsimanerat pineqarpoq.

Múte B. Egedep tatiginnikkunnaarnermik taasisitsineq sioqqullugu pisut ilungersunarnerat ima oqaaseqarfigaa:

- Paasissutissat isertuunneqartut Inatsisartuni nunanut allanut sillimaniarnermullu ataatsimiititaliamut saqqummiunneqartarput. Paasissutissat isertuunneqartut naalagaaffinnut nunanullu allanut attuumassuteqanngitsut. Tamanna kukkunerujussuuvoq, naalakkersuisutullu kukkunernik erseqqissaanissaq akisussaaffigaara. Taamaaliorpungalu, oqarpoq nangillunilu:

- Siulitta politikkimi isertuussisinnaanerat tatiginninnerallu paarisariaqarparput. Tatiginninneq ineriartortittariaqarparput. Naalakkersuisutut ernumanissamut pissutissaqanngilanga. Ataatsimiititaliamut suna nalunaarutigisimanerlugu ilisimavara, tamannalu aalajangiusimavara, Múte B. Egede oqarpoq.

tatiginnikkunnaarnermik taasitsineq inuiaqatigiit inatsisartut illersornissamut isumaqatigiissut múte bourup egede naleraq

Atorfiit tamaasa takukkit

PODCASTI

Powered by Labrador CMS