SARFAARSUIT CENTER

Burger King nutaaq Naalagaaffimmi rekordiliisoq

Burger Kingip Sarfaarsuit Centerimi sisamanngornermi ammarneraniit burgerit 10.600-t sinnerlugit tunineqarput.

Sarfaarsuit Center sisamanngornermi ammarmat Burger King pingaarnertut ornigarneqarluarpoq. Tamanna kaaviiaartitat uppernarsarpaat – Nuummi neriniartarfik kunngeqarfiup iluani suliffeqarfiup neriniartarfiisa tamarmik akornanni rekordiliivoq.

Assi: Pisiffik

Mette Kierstein Mette Kierstein Tusagassiortoq

Saqqummersinneqarpoq 3. Novembari 2026 - 11:01

Ussassaarut

Nuuk taamaalilluni tassaalerpoq "Whopperip angerlarsimaffia".

Neriniartarfiit Burger Kingit Naalagaaffimmiittut ammaanersiorneqaraangamik Sarfaarsuit Centerimiittup ammaanersiornermi aningaasanik kaaviiaartitsinerasut aningaasanik taama amerlatigisunik kaaviiaartitsitiginikuunngillat, rekordilu akunnerup naanerani arlaleriarluni qaangerneqarpoq.

Tina Alibina Hansen, Pisiffimmi niuernermut, attaveqatigiinnermut CSR-imullu pisortaq tamatuminnga nalunaaruteqartuuvoq. Taakku Kalaallit Nunaanni Burger Kingimik ingerlatsisuupput.

Nuummiut akunnerup naanerani Burger Kingiliaapput. Nerisassanik kissaannarianik neriniartarfiugaluartoq inuit utaqqisariaqarsimapput.

- Burgerit sapaammi unnuup tungaanut Nuummi innuttaasut affaanut naammattunit amerlanerusut tunivagut, taakkunanngalu cheeseburgeri mamarineqarluartut ilagaat, taanna Sermitsiamut nassuiaavoq.

Nuummi neriniartarfik aamma Drive-ineqarpoq (Biiliniiginnarluni pisiniarneq. aaqq.). Ammaanersioreernermit biilit 1.000-it missaanniittut aqqusaarsimapput, Tina Alibina Hansen paasissutissiivoq.

- Matut ammarnissaannut qilanaarnikuuvugut, pisisartullu isernissamut piareersimasut ersarippoq, taanna oqarpoq.

Ussassaarut

Pisiffimmi sisamanngornermi aningaasatigut ingerlatsinerit naapertorlugit Nuummi innuttaasut pingajorarterutaannit amerlanerusut Saarfaarsuit Centerimi ammaanersiornermi pisiniarsimasut - Burger King ilanngullugu, Tina Alibina Hansenip ilanngullugu oqaatigaa.