Angut toqungasoq nassaarineqartoq – suliaq toqutsisoqarsimanertut misissuiffigineqarpoq
Pingasunngornermi Kalaallit Nunaanni Politiinit nalunaarfigineqarput Kangaamiuni angut 49-nik ukiulik toqusimasoq nassaarineqarsimasoq.
Assiliisoq: Oscar Scott Carl
Politiit misissuipput Kangaamiuni toqutsisoqarsimasinnaaneranik pasitsaassaqartoqarmat.
Politiit tusagassiorfinnut nalunaaruteqarlutik allapput, marlunngornermi nalunaaqutaq 09.43 Kangaamiuni Maniitsup avannaaniittumi najugaqarfiit ilaanni angut 49-nik ukiulik toqusimasoq nassaarineqarsimasoq nalunaarutigineqarsimasoq.
Suliaq pasitsannartumik toqusoqarsimanertut misissuiffigineqarpoq, taamaammallu politiit Kangaamiuniipput.
- Politiit nunaqarfimmi innuttaasunut noqqaassuteqarput, suliaq pillugu ilisimasaqarunik imaluunniit marlunngornermi oktobarip 21-anni pingasunngornermilu oktobarip 22-anni 2025-mi piffissami pineqartumi tusagaqarsimagunik takusaqarsimagunilluunniit politiinut najuuttunut saaffiginneqqullugit, imaluunniit politiit 70 14 48-mut attaveqarfigeqqullugit, politiit allapput.
Misissuinerup ingerlanneqarnera pissutigalugu politiit suliaq pillugu oqaaseqaateqarsinnaanngikkallarlutik aamma ilisimatitsipput.
