ilinniarneq
Paasisavut soqutigineqarluartoq
Ilisimatusarneq ulluinnarni inuunitsinnut aamma inuiaqatigiittut unammillernartunut periarfissanullu attuumassuteqarluinnarpoq. Taamaammat Paasisavut-mik aaqqissuussaq innuttaasunit politikerinillu taama soqutigineqartigimmat nuannaarutigeqaara, Arctic Hubimi allattoqarfimmi pisortaq Avijâja Rosing-Olsen oqarpoq.
Ilisimatusartut inuusuttut tallimat ilisimatusarnertik pillugu minutsini tallimaannarni sapinngisamik pitsaanerpaamik saqqummiunniarlugu novembarip 13-ianni Katuami saqqummiissapput. Aaqqissuussamut suli akeqanngitsunik billetseqarpoq.
Assi: Emil Stach
Ilisimatusarnermik paasissutissiinermut unammisitsineq Paasisavut novembarip 13-ani Katuami ingerlanneqassaaq. Tassani ilisimatusartut inuusuttut tallimat ilisimatusarnerminnik innuttaasunut saqqummiussinissamut unammissapput.
Aaqqissuussineq soqutigineqarlualereersoq Arctic Hubimi allattoqarfimmi pisortaq Avijâja Rosing-Olsen oqarpoq.
– Paasisavut soqutigineqarluarnera malugisinnaavarput. Ullut aqqanillit ingerlanerinnaanni Katuami issiaviit sisamararterutaannit amerlanerusut inniminnerneqarsimapput. Tamanna nuannaarutigeqaarput, tamatumanilu ilisimatusarneq pillugu maani qanoq suliaqartoqarnersoq alapernaaffigineqartoq takuneqarsinnaavoq.
Paasisavut aamma politikerinit soqutigineqarmat Arctic Hubimi allattoqarfimmi pisortap Avijâja Rosing-Olsenip nuannaarutigaa. – Ilisimatusarnerup innuttaasunit aalajangiisunillu maluginiarneqarnissaa Arctic Hubimut pingaaruteqarpoq. Matumani 2024-mi unammisitsinermit assi takusinnaavat, tassani Naalakkersuisunut ilaasortat arlallit tusarnaartut ilagaat.
Assi: Emil Stach
Politikerit soqutiginnittut
Avijâja Rosing-Olsen naapertorlugu politikkikkut aamma soqutiginnittoqarluarpoq.
– Tamanna nuannaarutigeqaarput. Ilisimatusarnerup innuttaasunit siunnersortinillu soqutigineqarnissaa Arctic Hubimut pingaaruteqarpoq. Ilisimatusarneq ulluinnarni inuunitsinnut aamma inuiaqatigiittut unammilligassanut periarfissanullu attuumassuteqarluinnarpoq. Paasisavut aqqutigalugu ilisimatusarneq innuttaasunut qaninnerulersinniarlugu ilisimatuussutsillu nutaat qanoq siunissatsinnik ilusilersuisinnaanerat takutinniarlugu taamaaliorpugut, Arctic Hubimi pisortaq, Anders Skovgaard oqarpoq.
Unammisussat tallimat sammineqartullu pingaarutillit tallimat
Tassa tamannarpiaq Paasisavut aqqutigalugu takutikkusupparput: Ilisimatusarneq ilisimatusarfinniinnaq sammineqartariaqanngilaq, inuunitsinnullu, innuttaaqatigiinnut siunissatsinnullu tunngassuteqarpoq.
Avijâja Rosing-Olsen
Ukioq manna unamminermi ajugaaniutivittussat tallimat tassaapput ArnâraK’ Patricia Bloch, Frederik Braüner, Hans Peder Kirkegaard, Louise Pindstrup Scavenius aamma Viktor Gårdman, taakkulu tamarmik ilisimatusarnerminnik tusarnaartunut oqaluttuarinnittussaallutik immikkut minutsialuinnarni ilaatigut imminut toquttarnerup pinaveersaartinnissaanut, illussanik titartaasarnermut, nunat assigiinngitsut akornanni politikkimut, atuartut ilinniarnerannut ippernallu pinngortitami sunniutaannut tunngasunik oqalugiartussaapput.
- Ajugaanniuttussat tallimat ilisimatusarnerminnik qanoq uummaarissumik tusarnaartunut attuumassuteqartunngortitsisinnaanerat takussallugu immikkut qilanaaraara. Ilisimatusarfiit pissanganartorpassuarnik, tamarmik immikkut inuiaqatigiinnut ulluinnarnullu attuumassuteqarluinnartunik, ukioq manna sammisaqarfiupput.
– Ilaatigut inuusuttut atugarissaarnerat imminortartullu pinaveersaartinneqarnissaat, meeqqat atuarfianni atuarneq, inissiat inigisatta qanoq innerat, Kalaallit Nunaata nunarsuarmi nunanit tamalaanit soqutigineqaleraluttuinnartumi inissisimaffia aamma ippernatut ilisarnaatigisinnaasarput uumitsaatigisinnaasarpullu tusagaqarfigissavagut. Ilungersunartut misigissuseqarnartullu, kisiannili aamma tupaallaatigineqarsinnaasut, alapernaatitsisut qungujulasitsisullu unnummi tassani sammissavagut, Avijâja Rosing-Olsen oqarpoq Arctic Hubilu Paasisavut aqqutigalugu tamakkuninnga takutitserusuttoq nangilluni oqaatigaa:
- Ilisimatusarneq ilisimatusarfinniinnaq sammineqartariaqanngilaq, inuunitsinnullu, innuttaaqatigiinnut siunissatsinnullu tunngassuteqarpoq.
Naliisussat nutaat
- Ajugaanniuttussat tallimat ilisimatusarnerminnik qanoq uummaarissumik tusarnaartunut attuumassuteqartunngortitsisinnaanerat takussallugu immikkut qilanaaraara. Ilisimatusarfiit pissanganartorpassuarnik, tamarmik immikkut inuiaqatigiinnut ulluinnarnullu attuumassuteqarluinnartunik, ukioq manna sammisaqarfiupput, Avijâja Rosing-Olsen oqarpoq.
Assi: Emil Stach
Professori Minik Rosing, isiginnaartitsisartoq nipilersortartorlu Nukâka Coster-Waldau aamma ph.d. ineriartortitsinermut pisortaq Rosannguaq Rossen 2024-mi dommeriupput. Kiinnat nutaat marluk ukioq manna peqataassapput, tassa isiginnaartitsisartoq isiginnaartitsinermilu eqqumiitsuliortoq Ane Marie Ottosen kiisalu 2023-mi unammisitsinermi ajugaasoq Nick Duelund.
– Naliliisussat pissanganartumik katitigaasut isumaqarpunga, taakkumi pingasut assigiinngitsunik misilittagaqarlutillu saqqummiussinermut isiginnittaaseqarput. Ane Marie Ottosen isiginnaartitsinermik tunuliaqutaqarpoq, unammisussat qanoq isiginnaartitsisarfimmik atuisarnersut isiginnaartunullu attaveqartarnersut pingaartumik maluginiassavai. Nick Duelundip unammineq ilisarisimalluarpaa, namminermi Paasisavut 2023-mi ajugaasuuvoq. Ilisimatusarnermi minutsini tallimaannarni saqqummiussinissamut piffissaqaraanni oqaluttuarluarneq ataqatigiinnerlu ersarissoq qanoq pingaaruteqartigisut nalunngilaa. Minik Rosing ilisimatuussutsikkut misilittagartuujullunilu ukiorpassuarni ilisimatusarnerup paasiuminaatsup tusarnaartunit amerlanerusunit paasineqarsinnaanngortinnissaanut sulissuteqarsimavoq, Avijâja Rosing-Olsen oqarpoq nangillunilu:
Paasisavut
Paasisavut-mik unammisitsineq Arctic Hubimit aaqqissuunneqarpoq.
Arctic Hub tassaavoq Kalaallit Nunaanni ilisimatusarnermut qitiusumik sullissivik, 2020-mi Kalaallit Nunaata Danmarkillu suleqatigiinnerisigut pilersinneqarsimasoq. Allattoqarfia Nuummiippoq.
Unammisitsineq Katuami 2026-mi novembarip 13-ianni pissaaq, KNR-ikkullu toqqaannartumik aallakaatinneqassaaq.
Paasisavut 2023-mi siullermeerluni ingerlanneqarpoq, tassanilu Nick Duelundip Ilisimatusarfimmeersup meeqqat akornanni isigiarsuttut pillugit ilisimatusarnini ajugaassutigaa. Regine Møller Aalborg Universitetimi ph.d.-nngorniartoq Isortumi piujuartitsisumik ineriartornissamut periarfissat pillugit innuttaasunut ilisimatusarnerminik saqqummiussisimanerminut 2024-mi unammisitsinermi ajugaavoq.
Isiginnaarnissamut billetsit akeqanngitsut uani pissarsiarineqarsinnaapput: https://www.paasisavut.gl/kl/billet
– Paasisavut-mi kina pitsaanerpaamik pingaaruteqarnerpaamilluunniit ilisimatusarsimanersoq pingaarnerpaanngilaq. Kina tusarnaartut soqutiginnilersillugit, oqariartuullu paasiniarlugu nutaanik ilisimasaqalersillugit angerlarnissaat ilisimatusarnerminik saqqummiussilluarsinnaanerunersoq pingaaruteqarpoq. Kina iluatsilluarnerussanersoq takussallugu pissanganarpoq.
Allaaserisaq aviisimiit ilinniarneq pillugu sammisameersuuvoq, akeqanngitsumik una toorlugu atuarneqarsinnaavoq.
