Aningaasatigut ajornartorsiortarpit, ingammik qaammatip naajartulernerani? Aamma aningaasartuutigisartakkatit amerliartuinnartutut malugisimasarpigit?
Taava kisimiinngilatit.
Aningaasatigut ajornartorsiortarpit, ingammik qaammatip naajartulernerani? Aamma aningaasartuutigisartakkatit amerliartuinnartutut malugisimasarpigit?
Taava kisimiinngilatit.
Naatsorsueqqissaartarfiup kisitsisaataanni nutaani takuneqarsinnaasutut nerisassat akii siorna 3,6 procentimik qaffassimapput, ineqarnermut akiliutit malunnaatilimmik qaffassimallutik — tassa 6,3 procentimik.
- Atuisunut akit nalunaarsorneqarneranni akit januaarimi 2024-mit januaarimut 2025-mut 3,6 procentinik qaffariarput, tamannalu nioqqutit kiffartuussinerillu assigiinngitsut akornanni aningaasat naleerukkiartornerannut takussutissaavoq. Qaffariarnermut pissutaanersaapput nerisassat akii aamma ineqarnermut akiliutit. Nerisassat akii 3,6 procentimik qaffassimapput, ineqarnermullu aningaasartuutit 6,3 procentimik qaffariangaatsiarsimallutik. Ineqarnermut aningaasartuutit qaffakkiartornerat pingaartumik kiassarnermut aningaasartuutit qaffassimanerannik kiisalu ineqarnermut akiliutit qaffannerisa kingunerisaannik, taakkua ilaat 2024-mi februaarimi atuutilerput, Naatsorsueqqissaartarfik allappoq.
AG-p aningaasaqarnermut siunnersuisoqatigiit siulittaasuannut, aningaasaqarnermut professorimut Torben M. Andersenimut, akit qaffakkiartuinnarnerat qanoq kinguneqarsinnaanersoq apeqqutigaa.
- AG-p aningaasaqarnermut siunnersuisoqatigiit siulittaasuat, aningaasaqarnermut professori Torben M. Andersen, aperaa akit qaffakkiartornerat qanoq kinguneqarsinnaanersoq apeqqutigalugu.
- Aningaasat naleerukkiartornerat pisisinnaanerup minnerulerneranik kinguneqarsinnaavoq, tamannalu ingammik isertitakinnerpaanut eqquisinnaalluni. Aningaasalli naleerukkiartornerat nunanut allanut naleqqiullugu ukiuni kingullerni nalinginnaasumik appasissumiissimavoq, akivoq.
Ineqarnermut nerisassanullu aningaasartuutit siorna kisimik qaffanngillat, aammali imigassamut, tupamut atisanullu aningaasartuutit qaffariarsimallutik.
Pujortartarneq pisiassatut nalinginnaasumik annikillisaavigineqartanngilaq.
Amerlasuummi pujortartarneq nuannarisarpaat ingerlatiinnartarlugulu. Taamaalillunimi siorna tupa ima annertutigisoq Nunatsinnut eqqunneqarpoq, allaat inersimasut 63,9 procentii ullormut sikaritsinik arfineq-pingasunik pujortarsinnaassallutik.
Akitsuusersuinikkut pissaaneqarniunneq
Naalakkersuisut nutaat pingaarnertut suliassaasa ilagaat, inuiaqatigiit aningaasaqarnerannik patajaallisaanissaq, tamannalu anguneqarsinnaalluni suliffinnik amerlanerusunik pilersitsinikkut. Amerlanerusut sulilerpata aningaasat amerlanerusut kaaviiaartinneqalissapput, inuillu aningaasaqarniarnerat pitsaanerulissalluni taamaalillunilu Nunatta karsianut akileraarutitigut isertitat amerlanerulersinnaallutik.
Nunamut ataatsimoortumik tapiissutit saniatigut aalisarneq nunap isertitaqarfiisa annersaraat. Ukiorli manna qaammatini pingasuni siullerni avammut tunisat nalingi appariarsimapput. Januaarimit marsimut 1 milliardit 72 millionillu koruuniupput, siorna piffissamut tassunga sanilliullugit 89 millionit koruuninik ikileriarlutik. Tamanna 8 procentingajalluinnaasoq, Naatsorsueqqissaartarfik naatsorsuinermi nutaami ilisimatitsivoq, erseqqissarneqarporli kisitsisit suli tamakkiisumik naatsorsorneqarsimanngimmata mianersortumik nassuiarneqartariaqartut.
