KL

DK

ULLORMUT NALUNAARUSIAQ

Pinngitsaaliilluni atoqatiginnittoqarsimaneranik nalunaarutiginnittoqartoq

Nuummi akuersititseqqaarnani atoqatiginnittoqarsimaneranik politiit suliamik aallartitsisimapput. Tamassuma saniatigut Kalaallit Nunaata sineriaani imigassartortoqarsimanerata kingunerisaanik angerlarsimaffinni aqqusinermilu eqqissiviilliortitsisunut arlalinnut politiit orniguttariaqarsimapput.

Politiit ulloq unnuarlu kingulleq ulapaarsimapput, akuersititseqqaarani atoqatiginnittoqarsimaneranik suliamik aallartitsisimallutik eqqissiviilliornernullu arlaqartunut ornigussimallutik Kalaallit Nunaanni Politiit ilisimatitsipput.
Masauna Peary Masauna Peary tusagassiortoq
Saqqummersinneqarpoq

Nuummi pinngitsaaliilluni, tassa akuersititseqqaarnani atoqatiginnittoqarsimaneranik suliamik aallartitsisisoqarsimasoq, Aputsiaq Hansen, Kalaallit Nunaanni Politiit pigaartuisa pisortaat oqarpoq.

Tamatuma saniatigut politiit suliassanik allanik arlalinnik aamma suliaqarsimapput.

Nunatsinni angerlarsimaffinni aqqusinermilu imigassartortoqarsimanerata kingunerisaanik eqqissiviilliornernut arlaqartunut, aqqusinermi imigassartorsimallutik artulersimasunut aamma imminut toqunnissamik siorasaarinermut tunngasunut politiit ulloq unnuarlu kingulleq orniguttariaqarsimapput.

Nuussuarmi Tusass suli attaveqanngitsoq

Politiit ilanngullugu ilisimatitsissutigaat Upernaviup nunaqarfiani Nuussuarmi attaveqaatit suli iluarsisimanngitsut. Suliamulli tunngatillugu Tusassimut innersuussillutik.

Attaveqaatit iluarsiniarlugit Tusassimiit suliaqariartortussanik tikittoqarnissaa suli sulissutigineqartoq, Maasi Brøns Chemnitz, Tusassimi attaveqaqatigiinnermut pisortaata oqaatigaa.

Tusassip teknikerii qaqugu Nuussuarmut tikissanersut paasititsiissutigineqanngilaq.

pinngitsaaliilluni atoqatiginninneq tusass aputsiaq hansen politiit nuuk imigassartorneq inuiaqatigiit

Atorfiit tamaasa takukkit

PODCASTI

Powered by Labrador CMS