KL

DK

Sisimiut avatinnguani nuna ikuallattoq

Sisimiut avatinnguani Kangerluarsuk avannarlermi nuna ikuallappoq, Maniitsumiillu qatserisartunik ikiuukkiartortussanik tikisitsisoqassanersoq maanna misissorneqarpoq.

Sisimiuni qatserisartut ippassaq ataatsip missaani nalunaarfigineqarsimapput, nuna Kangerluarsuk avannarlermi ikuallalersimasoq.
Masauna Peary Masauna Peary Journalist
Saqqummersinneqarpoq

Ippassaq sapaammi nalunaaqutaq ataatsip missaani Sisiumi qatserisartut nunap ikuallanneranik nalunaarfigineqarsimallutik, Inunnguaq Lundblad, Qeqqata Kommuniani upalungaarsimasut pisortaat ilisimatitsivoq.

Sisimiuni qatserisartut suli qamisaallutik suliaqarput, Kangerluarsuk avannarlermi nuna sanimut 400 meteri missaata tungaanut isorartutigisumik, qummullu qaqqap tungaanut nunap ikuallannera suli ingerlaarmat.

- Sila anorilu pissutigalugit ikuallattup qamisarnissaanut aqutsinerput unammillernarpoq, Inunnguaq Lundblad oqarpoq.

Ikuallanneq qanoq aallartissimanersoq, qaqugulu qaminneqarsinnaanersoq suli oqaatigiuminaatsinneqarpoq.

Qatserisartunik allanik ikiuukkiartortoqarnissaa misissorneqartoq

Sisimiuni qatserisartut 31-iusinnaapput. Maannali katillugit 28-iupput. Inunnguaq Lundblad nassuiaavoq qatserisartut paarlakaatsillugit qamiteriartortinneqaqattaartut, maannalu qatserisartut arfineq-marluk sumiiffimmiittut.

Maniitsumi qatserisartut Sisimiunut ikiuukkiartornissaminnut piareersalereersimapput.

- Siullermik kommunemi illoqarfeqatigut Maniitsumi qatserisartut ikiuukkiartornissaat misissorneqarpoq, Inunnguaq Lundblad oqarpoq.

Qeqqata kommuniani upalungaarsimanermut pisortap innuttaasut nunami innermik atuissagunik isumatusaartumik atuisassasut kaammattuutigaa.

qeqqata kommunia qatserisartut inuiaqatigiit inunnguaq lundblad kangerluarsuk avannarleq nuna ikuallanneq sisimiut

Atorfiit tamaasa takukkit

PODCASTI

Powered by Labrador CMS