Aningaasaqarneq patajaatsoq
suliffeqarfiillu ingerlalluarnerisigut pissutsit ingerlapput,
Aningaasaqarnermut Siunnersuisoqatigiit ukiup affaanut kingullermut
Kalaallit Nunaat pillugu nalunaarusiaanni taama allassimavoq.
Siunnersuisoqatigiit aningaasaqarnermut politikki aamma misissorpaat,
tassanilu Inatsisartut aalisarnermut inatsit nutaaq
akuersissutiginerat pitsaasuusoq inuussutissarsiummullu erseqqissumik
pilersitsisoq oqaatigaat. Piujuartitsisumik aalisarneq aamma
saattuarniarnermut qaleralinniarneqarnermullu pisassiissutit
ataasiakkaarlugit tunineqarsinnaasut atuutilersinneqarnissaat
siunertarineqarluni.
Siunnersuisoqatigiilli
aamma kukkussuteqarnertik maluginiarpaat.
Aningaasaqarneq patajaatsoq
suliffeqarfiillu ingerlalluarnerisigut pissutsit ingerlapput,
Aningaasaqarnermut Siunnersuisoqatigiit ukiup affaanut kingullermut
Kalaallit Nunaat pillugu nalunaarusiaanni taama allassimavoq.
Siunnersuisoqatigiit aningaasaqarnermut politikki aamma misissorpaat,
tassanilu Inatsisartut aalisarnermut inatsit nutaaq
akuersissutiginerat pitsaasuusoq inuussutissarsiummullu erseqqissumik
pilersitsisoq oqaatigaat. Piujuartitsisumik aalisarneq aamma
saattuarniarnermut qaleralinniarneqarnermullu pisassiissutit
ataasiakkaarlugit tunineqarsinnaasut atuutilersinneqarnissaat
siunertarineqarluni.
Siunnersuisoqatigiilli
aamma kukkussuteqarnertik maluginiarpaat.
-
Aalisarnermut inatsisip siunertarisaanut timitalerniarlugu amerlusuut
suli amigaataapput, taamaattumik aningaasarsiorneq
assigiinngitsorpassuarnik tunngaveqartoq anguniarlugu suli
iliuusissarpassuaqarpoq, Torben M. Andersen oqarpoq.
Aalisarnerli
inuussutissarsiutitut pingaarnertut ingerlaannassaaq.
-
Aalisarneq suli inuussutissarsiutaavoq pingaarnerpaavoq.
Aatsitassarsiorneq eqqarsaatigalugu suliniutinut
aallartittoqarpiarsimanngilaq, takornariaqarnerlu eqqarsaatigalugu
alloriarnerit siulliit aatsaat pilerlutik. Mittarfiit nutaat
atulerpata akunnittarfiit allarpassuillu sanaartorneqassapput,
tamannalu siunissami arriitsumik annertusiartuinnartumilli
iluaqutaajumaarpoq. Kisianni takornariaqarneq inuiaqatigiit
aningaasaqarneranni pingaaruteqalernissaanut aqqut suli takivoq,
Torben M. Andersen oqarpoq.
Missingersuusiornermut
inatsit pingaaruteqarluinnarpoq
Aningaasaqarnermut
siunnersuisoqatigiit nalunaarusiaminni misissueqqissaarnertigullu
arlalinni ersersippaat aningaasaqarnermut politikki
atasinnaanngitsoq. Utoqqaat amerliartornerat sulisartut
ikiliartornerat pisortat aningaasartuutaasa annertusiartornissaannut
pissutaassaaq, taakkulu isertitanit annertunerujussuarmik
amerliartorumaarput, 2030-kkunnilu ukiumut 1 milliardit koruunit
sinnerlugit amigartooruteqartoqassalluni. Taamaattumik Inatsisartut
aningaasanut inatsit isumaqatiginninniutigitillugu
missingersuusiornermut inatsit malinniartariaqarpaat.
-
Missingersuusiornermut inatsit pingaaruteqarluinnarpoq,
aningaasartuutit qaffasinnerpaaffiat malinneqaraangat
aningaasartuutit qaffakkiartorpallaannginnissaat
qulakkeerneqartarpoq, Torben M. Andersen oqarpoq.
Akileraartarnermut
aaqqissuusseqqinneq akerlerluinnaanik sunniuteqartoq
Sulinermut
ilanngaat soraarnerussutisianullu ilanngaat akileraartarnermut
aaqqissuusseqqiinermi annertusineqarpoq. Akileraartarnermut
aaqqissuusseqqinneq 360 millionit koruuninik akeqartussaq
suliffeqarnermut akitsuutip qaffanneratigut, puunut akitsuutinit
isertitaqarnerunikkut kiisalu aningaasanut inatsimmit
sinneqartooruteqarnermit aningaasalersorneqassaaq.
-
Suliffeqarfiit eqqarsaatigalugit ilaat akileraarnikinnerulissapput
taamaalillutillu atorsinnaasaminnik isertitaqarnerulissallutik,
taannalu ornigineqarnerulersinnaavoq. Aningaasaqarnerulli taanna
maanna pisariaqartinngilaa tassami aningaasaqarneq ingerlalluarpoq,
taamaaliornerlu akerlianik ingerlalissalluni, Torben M. Andersen
oqarpoq.
Pisortat ingerlatsiviini eqaallisaasariaqarneq
Aningaasaqarneq
ataavartussanngortinniarlugu, siuariartornissaq qulakkeerniarlugu
aningaasaqarnikkullu assigiinngitsunik suliaqarfiusunik
pilersitsinissaq anguniarlugu naalakkersuisut aaqqissuusseqqinnernik
suliaqarput.
-
Attassiinnarnissamut ineriartortitsinissamullu pilersaarut 2-mi
anguniakkat anguneqarsimasut oqaatiginissaannut suli suliassaqarpoq,
Torben M. Andersen oqarpoq, tikkuarlugulu pisortat ingerlatsiviisa
sunniuteqarluarnerulernissaasa angunissaannut suliniutit suli
amigaataasut.
-
Suliniutit pitsanngorsaasut allannguilluinnarsinnaasut suli
aallartinneqanngillat. Sulisut ikinnerussappata pisortat
ingerlatsiviisa sunniuteqarluarnerunissaat imaluunniit
inerititaqarnerunissaat pisariaqarpoq, kisianni suli amigaateqaqaaq,
anguneqarnissaanullu suli amigaateqarpassuaqarluni. Innuttaasut
naammaginartumik sullissineqannginnerat pisinnaavoq, Torben M.
Andersen oqarpoq.
