Aqutsisoqarfik: Biilersinnaanermut allagartanut app-i qallunaanut taamaallaat atuuppoq
Danmarkimi biilertartut app-i atorlugu biilersinnaanermut allagartamik atuuttumik mobiiilikkut takutitsinissamut 2020-miilli periarfissaqalersimapput. Kalaallit Nunaannili biilersinnaanermut allagartalinnut aaqqiissut tamanna atuutinngilaq.
Innuttaasut Kalaallit Nunaannit biilersinnaanermut allagartallit biilersinnaanermut allagartamut app-imut pioreersumut atassuserneqarsinnaanissaannut, kiisalu teknikkikkut inatsisitigullu piumasaqaatit sukumiisumik misissortariaqarput, Digitalinngortitsinermut Aqutsisoqarfik ilisimatitsivoq.
Leiff Josefsen
Biilersinnaanermut allagartanut app-imi, ukiut sisamat matuma siorna saqqummersumi, Kalaallit Nunaanni biilersinnaanermut allagartat ilanngunneqarnissaat Digitalinngortitsinermut Aqutsisoqarfiup pilersaarutiginngilaa. Inatsisinik atortitsinermut ministeri Peter Hummelgaard, taama IA-mit folketingimut ilaasortamut Aaja Chemnitzimut akissuteqarluni ilisimatitsivoq.
“ Innuttaasut Kalaallit Nunaannit biilersinnaanermut allagartallit app-imut biilersinnaanermut allagartamut pioreersumut atassuserneqarsinnaanissaannut, kiisalu teknikkikkut inatsisitigullu piumasaqaatit sukumiisumik misissortariaqartut”, Digitalinngortitsinermut Aqutsisoqarfik ilisimatitsivoq.
Taarsiineq
- Biilersinnaanermut allagartanut app-eq Danmarkimi biilersinnaanermut allagartanik nalunaarsuisarfimmut teknikkikkut atassuserneqarsimammat, tamanna pissutigalugu sutigut aaqqissuussamik allannguisoqartoqartariaqarnersoq erseqqinngilaq. Biilersinnaanermut allagartanut app-eqartitsinermut innuttaasut Kalaallit Nunaannit biilersinnaanermut allagartallit ilanngunneqassappata, inatsisitigut allannguisoqartariaqarnersoq inatsisitigut paasiniartariaqassaaq, aqutsisoqarfik ilisimatitsivoq nangillunilu:
- Kalaallit Danmarkimi najugaqartut biilersinnaanermut allagartallit Danmarkimi biilersinnaanermut misilitsinnermikkut allagartaq taarsersinnaavaat. Tamatuma kingorna biilersinnaanermut allagartaqartup aamma biilersinnaanermut allagartanut-app-i atorsinnaavaa, Kalaallit Nunaannit Danmarkimiilluunniit passeqaruni.
Digitalinngortitsinermut aqutsisoqarfiup nassuiaataa tusaatissatut tigusimallugu, Peter Hummelgaard oqarpoq.
- Taamaakkaluartoq apeqquteqartoq suliaq pillugu qanimut oqaloqatiginerusuppara, akissummini naggasiivoq.
