Kalaallit Meerartaat UNICEF-ip Meeqqanut nersornaasiuttagaanik 2026-mi pissarsisoq

Kalaallit meeqqat inuusuttullu atugarissaarnerisa, pisinnaatitaaffiisa periarfissaasalu nukittorsarneqarnissaannut ukiorpassuarni suliniuteqarsimanertik pillugu UNICEF-ip Meeqqanut Nersornaasiuttagaanik Kalaallit Meerartaat 2026-mi nersornaaserneqarpoq. Peqatigiiffiup Kalaallit Nunaanni Danmarkimilu meeqqat inuusuttullu ilaqutaallu 1.000-init amerlanerusut ikiorlugit ukiut tamaasa tapersersortarpai.

UNICEF-ip Meeqqanut Nersornaataa 2026 Kalaallit Meerartaannut tunniunneqarpoq. Susanne Dahl, UNICEF Danmarkimi allattaaneq, Puk Draiby, Kalaallit Meerartaanni allattaaq aamma Anne Louise Eberhard, UNICEF Danmarkimi siulersuisuni siulittaasoq.
Saqqummersinneqarpoq

UNICEF-ip Meeqqanut Nersornaasiuttagaa 2026 Kalaallit Meerartaannut tunniunneqarpoq. Suliniaqatigiiffiup ataatsimoorfiit toqqissisimanartut pilersinniarlugit, meeqqat pisinnaatitaaffiinik nukittorsaaniarnermi aamma meeqqat inuusuttullu amerlanerusut kalaallinik tunuliaqutallit peroriartorluarnissaannut siunissaqarnissaannullu periarfissinniarlugit suliniuteqartuarnera pillugu nersornaat tunniunneqartarpoq.

Suliniutit assigiinngitsut qulingiluat kajumissutsimillu suliaqartut 100-t missaanniittut peqatigalugit peqatigiiffik Kalaallit Nunaanni tamarmi Danmarkimilu illoqarfinni tallimani suliniuteqarpoq. Suliniaqatigiiffiup meeqqat inuusuttut ilaqutaalu 1.000-init amerlanerusut ukiut tamaasa, sullittarpai. Meeqqanut minnernut sammisunik inuusuttunut 23-it tikillugit ukiulinnut suliniutit ikiorsiissutinut assigiinngitsunut tunngapput.

UNICEF-ip meeqqanut nersornaasiuttagaa pillugu

UNICEF-ip Meeqqanut nersornaasiuttagaa inummut, peqatigiiffimmut suliniaqatigiiffimmulluunniit meeqqanik inuusuttunillu pisinnaatitaaffiinik periarfissaannillu immikkut ittumik suliniuteqartumut tunniunneqartarpoq.

Nersornaat nunarsuarmi tamarmi inunnik ikiuiniartartunut 2025-mi tunniunneqarpoq, taakkua meeqqat pillugit silarsuarmi akerleriiffiusuni ajunaarnersuaqarfiusunilu navianarnerpaani suliniuteqarnerat pillugu nersornaaserneqarput

Nersornaammik tunineqartoq nersornaasiinermut ataatsimiititaliamit arlaannaannulluunniit attuumassuteqanngitsumit toqqarneqartarpoq.

”Kalaallit Nunaanni kinguaariit ingerlaneranni meeqqat inuusuttullu amerlasuut atugarissaarnissamut, peqataanissamut naligiinnillu periarfissaqarnissamut akornuserneqartarput. Suliniaqatigiiffik Kalaallit Meerartaat ukiorpassuarni sulinermini iliuuseqarnermigut, ataqatigiisitsilluarnermigut meeqqallu pisinnaatitaaffiinik ukkatarinninniartuarnermigut tamanna allanngortitseqataaffigaa. Taamaattumik suliniaqatigiiffiup UNICEF-ip Meeqqanut Nersornaasiuttagaanik 2026-mik tunissallugu nersonaasiinermut ataatsimiititaliap aalajangerpaa,” Jens Bjørn Andersen, nersornaasiinermut ataatsimiititaliami siulittaasoq UNICEF Danmarkimilu siulersuisuini ilaasortaq tusagassiuutinut nalunaarummi taama oqarpoq.

Nersorneqarneq pingaarutilik

Nersornaasiinermut ataatsimiisitaliami ilaasortaq Chloé Courage, Københavnimi Danske Skoleleverimi siulittaasoq 9. klassimilu atuartoq, ajugaasussamik ukioq manna, toqqaaqataavoq.

"Meeqqat inuusuttullu ataatsimoorfissaannik aaqqissuussinissamut pilersitsinissamullu suliniuteqarnerat malunnaateqarluarmat Kalaallit Meerartaat UNICEF-ip Meeqqat Nersornaasiuttagaanik 2026-mi pissarsisussatut toqqarparput," Chloé Courage taama oqarpoq.

Puk Draiby, Kalaallit Meerartaanni allattaaneq nersornaaserneqarnertik pillugu ima oqarpoq:

"UNICEF-ip Meeqqanut Nersornaasiuttagaanik 2026-mik tunineqarnerput nuannaarutigeqalugulu tulluusimaarutigeqaarput. Nersornaat meeqqanut, inuusuttunut, ilaqutariinnut, kajumissutsiminnik sulisunut sulisunullu ataatsimoorluni sulinermut pingaartumut nersorniutaavoq, taakkua suleqatigiinnerunissamik periarfissanillu pitsaanerusunik pilersitsinissamut kalaallit meerartaannut inuusuttuaraataannulluullut tamaasa suliniuteqartarput. Pingaarnerpaamilli meeqqat inuusuttullu sapiissuseqarnermikkut, nukittunermikkut siunissamullu takorluugaqarnerminnik sooq sulinerup pingaaruteqarneranik uagutsinnut eqqaasitsissutaapput."

Toqqissisimanartunik ataatsimoorfiit pisinnaatitaaffiillu nukittunerusut

Meeqqat inuusuttullu kalaallisut tunuliaqutallit atugaasa pitsanngorsarneqarnissaat anguniarlugit Kalaallit Meerartaat ukiut 100-t sinnerlugit suliniuteqarpoq. Meeqqat inuusuttullu pisinnaatitaaffiinik ilisimasaqalernissaat, tusaaneqarnissamut periarfissaqalernissaat namminnerlu inuunerminnut sunniuteqarsinnaalernissaannut periarfissinneqarnissaat suliniutip pingaarnertut siunertaraa.

Suliniaqatigiiffiup suliniutai najukkami, meeqqanut, inuusuttunut taakkualu ilaqutaannut sivisuumik attaveqarnermik tunngaveqarlutik aallaaveqarput. Suliniutip suliarineqareernerani sunniuteqartussamik, pitsaasunik allannguinermik pilersitsinissaq siunertaavoq.

Sulineq aalajangersimasoq, najukkani ataatsimoorfinnik nukittuunik pilersitsineq meeqqallu pisinnaatitaaffiinik ukkataqarneq ataatsimoortillugit, tassaapput akissarsisitsisarnermut ataatsimiititaliap aalajangiinermini pingaartillugit tunngavigisai.

Powered by Labrador CMS