Arnaq suli ujarneqartoq

Arnamik 67-inik ukiulimmik puigortunngorsimasumik Nanortalimmi ujaasineq pingasunngornermi nangeqqinneqartoq politiini pigaartut pisortaat Jørgen Madsen paasissutissiivoq.

Arnap marlunngornermi ujaarineqarnera ajoraluartumik kinguneqanngilaq.

Arnaq 67-inik ukiulik Chemnitzip Aqqutaani B-204-p eqqaaniit kimmut ingerlasoq arfininngornermi apriilip tallimaani ullup-qeqqata missaani kingullermik takuneqarsimasoq politiit ilisimatitsipput.

Nanortalimmi innuttaasut najukkaminni quitik, pequtaasivitik, angallatit assigisaallu misissorneqqullugit kaammattorneqarput. Maqaasineqartoq 160 cm. missaannik angissuseqarpoq, tuattuuvoq takisuunik qeersaanik nujaqarpoq, qasertumik qalipaatilimmik kavaajaqarnerarneqarpoq qaamasunillu cowboybukseqarluni.

Pisumut atatillugu paasissutissaateqaruit politiinut saaffiginnissinnaavutit uunga: 70 14 48.

Angut qimaasoq Nuummi ujaarineqarpoq

Kujataani arnap maqaasineqartup saniatigut politiit Nuummi angut suli ujaaraat.

Angut nakuusernermut tunngatillugu eqqartuussivimmi killisiorneqartussanngorluni politiinit sapaatiummat qimaasimavoq.

Politiinit qimaasumik ikiuineq pineqaatissinneqarnermik kinguneqarsinnaasoq politiit mianersoqqussutigaat.