KL

DK

NUNANIT ALLANIT

Assadip tunuarnerata kingorna syriamiut angerlartinnissaanut Østrigi piareersarpoq

Piffissami kingullermi Syriami pissutsit allanngorluinnarsimapput, Østrigimiit nalunaartoqarpoq. Nunami tassani sulissutigineqarpoq syriamiut nunaminnut angerlartinneqarnissaat.

Østrigip nunami namminermi ministeriata, Gerhard Karnerip, Syriamiut angerlartinniarpai, Syriami akerliusunit Syriap præsidentia, Bashar al-Assad uppitinneqaqqammiinnartorlu.
RITZAU
Saqqummersinneqarpoq

Østrigip nunami namminermi ministeria, Gerhard Karner, ministeriaqarfini qinnuigaa Syriamiut angerlartinneqarnissaat piareersassagaat.

Taama allappoq nutaarsiassaqartitsivik AFP ataasinngornermi.

Ministeri ministeriaminut qinnuiginnippoq "Syriamiunik angerlartitsinernut anisitsinernullu Syriamut aaqqissuussamik pilersaarummik" piareersaasoqassasoq.

Tamatuma ilutigisaanik, qimarngusutut nunasinissamik qinnuteqaatit suliarineqarnissaat unitsinneqarpoq, aammalu qimarngusutut nunasinissamut qinnuteqaatit akuersissutigineqarsimasut qaqeqqinneqarlutik nalilersorneqassapput.

Taamak iliornermut pissutaatinneqartoq tassaavoq, Syriami pissutsit allanngorsimanerat.

- Syriami politikkikkut pissutsit tunngaviusumik allanngorsimapput - sukkaqisumik - ullut kingulliit ingerlaneranni.

- Pissutsit nutaat tunngavigalugit nalilersuinissaq pingaaruteqarpoq. Suliassat suliarineqarsinnaanerat pisariaqarpoq, taama oqarpoq Østrigip nunami namminermi ministeria tusagassiorfinnut nalunaarummini.

2015-imiilli Østrigimi syriaamiut 87.000-it missaat qimarngusutut akuersissummik tunineqarsimapput.

Syriaamiunit taakkunannga 7.300-it missaannik amerlassusillit qimarngusutut nunasivinnissamut tunngasut unitsinneqarsimasut ministereqarfik aamma ilisimatitsivoq.

Nuna Østigip sanilerisaa Tyskland aamma aalajangerpoq syriaamiut qimaasinnaanermut suliassaat unitsinneqarallassasut. Danmark aamma taamak aalajangerpoq.

Maannamut nalunaarutigineqanngilaq angerlartinneqarnissamik piareersaatit pilersaarutillu qanoq iluseqartinneqarnersut.

Syriaamiut millionit missaat Tysklandimi najugaqarput.

Tysklandiup ministeria Nancy Faeser oqarpoq nutaarsiassat kingulliit neriuuteqarnerulersitsisut.

- Syriaimi naalagaaffiup kisermaassilluni aqutsisuata Assadip naalliutsitsinerujussuata unitsinneqarnera inuppassuarnut oqiliallatsitsivoq, inuppassuimmi naalliutsinneqarsimasut, toqutaasimasut, ersiortitaasimasullu matumani pineqarput.

- Qimaasut Tysklandimi illersorneqarsinnaasumik inissisimasut amerlasuut maanna neriuuteqarput Syriamut angerlarsinnaanissaminnik nunaminnillu nutarterinissaminnik, AFP naapertorlugu taanna oqarpoq.

Ministerili isumaqarpoq suli siusippallaartoq oqaluuserinissaa qaqugu qanoq syriaamiut angerlarsinnaanersut. Pisut pissutsillu suli ersernerluttorujussuupput, ministeri nangilluni oqarpoq.

Maannakkorpiaq ersarissumik oqaatigineqarsinnaanngilaq, Syriap aqunneqarnissaa qanoq ikkumaarnersoq, sapaatimmi akunnerata naanerani Syriami pikitsitsisut sorsuttartuisa nunap illoqarfiisa pingaarnersaat, Damaskus, iserfigimmassuk tiguarlugulu.

Ukiorpassuarni præsidenti Bashar al-Assad tunuartinneqarpoq. Oqaatigineqarportaaq ilaquttani ilagalugit Ruslandimut aallarsimasoq.

østrig bashar al-assad inuiaqatigiit samfund udland syrien

ATORFIIT Se alle jobs

Powered by Labrador CMS