Assit takukkit: Qinigaaffimmi matumani ingerlaaqatigiinneq kingulleq
Tallimanngornermi ullaap tungaani ukiakkut ataatsimiinneq kingulleq aallartissaaq.
Inatsisartut ukiaanerani ataatsimiinnerat tallimanngornermi ullaap tungaani nalunaaqutaq 11.00 aallartissaaq.
Qinigaaffiusumi matumani ukiakkut ataatsimiinneq kingulliuvoq, ileqqullu malillugit Hans Egedep illuanit Hans Egedep oqaluffianut politikerit ingerlaaqatigiillutik ulloq aallartippaat, tassanilu naalagiartoqarpoq.
Nalinginnaasumik Annaassisitta Oqaluffiani politikerit naalagiarnermut najuuttarput, oqaluffilli iluarsaanneqarmat naalagiarneq allamut nuunneqarpoq.
Tallimanngornermi oqaluuserisassaq pingaarnerpaaq tassaavoq Naalakkersuisut siulittaasuata Múte B. Egedep oqalugiaataa.
