Ataatsimeersuartitsineq: - Ataatsimoorluta imminut toquttarneq pinaveersaartissavarput
Immikkut ilisimasallit soqutigisaqaqatigiillu 120-nit ikinnerunngitsut uani sapaatip akunnerani ataatsimeersuarput. Ataatsimeersuarnermi qulequtaritinneqarpoq Qamani 2024. Imminut toquttarneq pillugu pinaveersaartitsinermik suliniuteqarneq patajaallisarniarlugu eqqarsartaatsikkullu peqqissuseq siuarsarniarlugu ulluni pingasuni ataatsimeersuarput.
Foto: Socialstyrelsen
Nuummi ataatsimeersuarnermi Qamani 2024-mi immikkut ilisimasallit soqutigisaqaqatigiillu 120-t sinnillit Kalaallit Nunaannit nunanillu allaneersut katersuupput. Imminut toquttarnerup akiorniarnera nukittorsarniarniarlugu isumakkullu peqqissuuneq siuarsarniarlugu.
Ataasinngornermit novembarip 25-annit 27-annut Paarisa 2023-miit 2028-mut Qamanip imminut toquttarnermik pinaveersaartitsinermut periusissiaanik suliaqarpoq.
Oqariartuutit pingaarutillit
Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq, Aqqaluaq B. Egede ataatsimeersuarnermi peqataavoq:
- Inuusuttut innersuussutaat oqariartuutaapput pingaarutillit, uagut piviusunngortillugit ingerlatassagut. Ataatsimeersuarnerup matuma tunngaviit patajaallisissavai imminullu toquttarnermik pinaveersaartitsinermik suliaqarnermi pitsaasumik allannguinissamut oqartussaqarfinnut tamanut attuumassutilinnut sakkussanik qulakkeerinnissaaq.
Ataatsimeersuarnermi imminut toquttarneq pillugu ilisimatusarnermik ilisimasanillu kiisalu tarnikkut ikiueqqaarnermit misilittakkanik, ilaatigut politiinit, ilisimatuunit, Allorfimmit aamma Tusaanngamit saqqummiisoqassaaq. Soqutigisaqatigiit attuumassutillit 120-t tungaannut nuna tamakkerlugu ilinniarfeqarfinneersut, kommuninit tamaneersut, peqqinnissaqarfinneersut aamma ilisimatuut peqataapput, Canadamilu nunat inoqqaavi aamma pulaartutut peqataallutik.
