KL

DK

Avammut tunisanut kisitsisaagallartut naapertorlugit aningaasat isertitat milliardip affaata missaannik ikileriarsimapput

Aalisakkanik avammut niuerneq 2024-mi appariarsimasoq Naatsorsueqqissaartarfiup kisitsisaataani takuneqarsinnaavoq.

Thomas Munk Veirum
Tusagassiortoq
Saqqummersinneqarpoq

2024-mi avammut tunisat 2023-misut amerlatigerpasinngillat. Tamanna aalisakkat qaleruallillu pingaarnerit avammut tunisat pillugit Naatsorsueqqissaartarfiup kisitsisaatigigallagaanni takuneqarsinnaavoq.

Naatsorsueqqissaartarfik naapertorlugu 2024-mi avammut tunisat nalingi ukiup siulianut sanilliullugit 10,3 procentimik appariarsimapput:

- 2024-mi januaarimiit decembarimut avammut tunisat nalingi katillugit 4.739 mio. koruuniusimapput. Ukiup siulianut sanilliullugit 541 mio. koruuninik annikinnerupput, annikilleriarnerlu katillugu 10,3 procentiuvoq. Eqqaamaneqassaarli kisitsisit utaqqiisaagallaq naatsorsuinerummata taamaattumillu kingusinnerusukkut iluarsiiffigineqarsinnaallutik paasissutissat tamakkiinerusut pigineqalerpata, Naatsorsueqqissaartarfik allappoq.

Uumasut pingaarnerit nalunaarsorneqarsimapput, imarmiullu avammut tunisat ima isikkoqarput:

  • Raajat avammut tunineqartut januaarimiit-decembarimut 2024-mi avammut tunisaanerisa nalingat 11,4 pct.-imik annikilleriarsimavoq, tamanna 311 mio. kr.-nik naleqarpoq. Avammut tunisat annertussusaat 8,0 pct.-imik annikilleriarsimasoq akillu 3,7 pct.-inik apparlutik.
  • Qalerallit avammut tunineqartut nalingat 11,4 pct.-imik annikilleriarsimavoq, tunineqartut annertussusaat 17,1 pct.-imik annikilleriarsimasoq. Taamaalilluni kiilumut akit 7,0 pct.-inik qaffassimapput.
  • Saarulliit avammut tunineqartut nalingat 7,9 pct.-imik appariarpoq, tunineqartut annertussusaat 0,9 pct.-imik annikilleriarsimallutik. Saarulliit avammut tunineqartut kiilumut akia 7,0 pct.-imik appariarpoq.
  • Saattuat avammut tunineqartut nalingat 2,6 pct.-imik annikilleriarsimavoq, tunineqartut annertussusaat 6,3 pct.-inik apparpoq. Kiilumut akia 4,0 pct.-inik annertuseriarsimalluni.
2019-imiit 2024-mut avammut tunisat nalingi januaarimiit decembarimut, millionit koruuninngorlugit, takuneqarsinnaapput.
rejer inuiaqatigiit 2024 samfund eksport fisk grønlands statistik

ATORFIIT Se alle jobs

Powered by Labrador CMS