Bardella ministeriunertut qinigassanngortippoq
Sapaatiummat EU-mut qinersisoqarnerani National Samlingip qinersinermi nuannaartitsinerani Marine Le Pen aamma Jordan Bardella oqaluttarfimmi.
Lewis Joly/Ritzau Scanpix
Frankrigimi inatsisartunut qinersinermi partii talerperlermiittoq National Rassemblement (RN) sinnerlugu Jordan Bardella 28-nik ukiulik ministeriunertut qinigassanngortippoq.
Taamatut oqarpoq Nationale Samlingimi siulittaasup tullia Sébastien Chenu, franskit nutaarsiassaqartitsiviat AFP naapertorlugu.
Bardella 2021-mi partiimi siulittaasuugallartunngorpoq 2022-milu siulittaasutut qinigaalluni, Europamilu inatsisartunut qinersinermi kingullermi partiip qinigassanngortitaani siuttuusimavoq.
Frankrigimi præsidenti Emmanuel Macron sapaatiummat unnukkut inatsisartut avissaartippai qinersisoqarnissaalu nalunaarutigalugu.
Præsidentip partiiata qiterlersaat, Renaissance, Nationale Samlingimut ajorsarluinnarsimanera paasinarsimmat taama iliorpoq.
/ritzau/AFP