Biilinik aallarussisoq ujaarineqartoq

Kalaallit Nunaanni Politiit ulloq unnuarlu kingulleq eqqissisimanerulaarput, pigaartut pisortaat Preben Kleist oqarpoq.

Dronning Ingridip Napparsimmavissuata eqqaani sanaartorfimmi tillinniartoqarsimasoq politiit sisamanngornermi ullaakkut nalunaarfigineqarput.

Aammattaaq politiit Nuummi pingasunngornermi ullaakkut nalunaaqutaq 06.35-p missaani biilinik aallarussisoqarneranut atatillugu takunnissimasinnaasunik ujartuipput.

Biili tillitaq Subaruuvoq tungujortoq, politiillu innuttaasunit pisumut ilisimasaqarsinnaasunit tusarfiginnikkusupput.

Politiit biili aallarussaq nalunaaquttap 06.35 missaani Nuup qeqqani takugamikku malersulerpaat, biilimilli aallarussisoq qimaasimavoq.

Politiit uunga sianerluni saaffigineqarsinnaapput: 70 14 48.